Dinamalar

பாமக நிறுவனர் ராமதாஸ் வாழ்க்கை சினிமாவாகிறது : சேரன் இயக்க, ‛பிக்பாஸ்' ஆரி நடிக்கிறார்

பாமக நிறுவனர் ராமதாஸ் வாழ்க்கை சினிமாவாகிறது. அய்யா என்ற தலைப்பில் உருவாகும் அந்த படத்தை சேரன் இயக்குகிறார். பிக்பாஸ் வின்னர் ஆரி ராமதாஸ் ஆக நடிக்கிறார். ஏகாம்பரம் ஒளிப்பதிவு செய்ய, தமிழ்குமரன் தயாரிக்கிறார். இதற்கான அதிகாரப்பூர்வ அறிவிப்பு இன்று வெளியாகி உள்ளது.

கடந்த சில ஆண்டுகளாகவே ராமதாஸ் வாழ்க்கையை சினிமாவாக்கும் முயற்சியில் சேரன் ஈடுபட்டு இருந்தார். இதற்காக சிலமுறை ராமதாசை சந்தித்து பேசினார். அவர் வாழ்க்கையில் நடந்த பல சம்பவங்கள், போராட்டங்களை தொகுத்து திரைக்கதையாக மாற்றினார். இந்நிலையில், ராமதாஸ் பிறந்தநாளான இன்று அய்யா படத்தின் அறிவிப்பு வெளியாகியுள்ளது.

முதலில் இந்த படத்தில் ராமதாஸ் ஆக சரத்குமார் நடிப்பதாக இருந்தது. ஆனால், அவர் முகம், வயது காரணமாகவும், அவரின் அரசியல் பின்புலம் காரணமாகவும் அந்த திட்டம் ரத்தானது. இப்போது ஆரி ஒப்பந்தம் ஆகியுள்ளார்.

அய்யா படத்தின் கதையானது ராமதாசின் ஆரம்பகால வாழ்க்கை, அவர் நடத்திய கூட்டங்கள், போராட்டங்கள், அப்போது எதிர்கொண்ட சவால்களை மட்டுமே விவரிக்கிறது. இன்னும் சொல்லப்போனால் 1980, 90 களுக்கு இடையேயான அவரின் பயணத்தை சொல்கிறது. அதனால், ஆரி ஒப்பந்தம் ஆகி இருக்கிறார். இதுவரை சேரன் பல படங்களை இயக்கி இருந்தாலும், அவர் இயக்கும் முதல் வாழ்க்கை வரலாறு படம் இதுவாகும்.

• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...

• 
  2025 கூகுள் சர்ச் : 3வது இடத்தில் 'கூலி'
• 
  வா வாத்தியார் படத்தின் டிரைலர் வெளியானது
• 
  ஜனநாயகன் படத்தின் சாட்டிலைட் உரிமையை வாங்கிய ஜீ தமிழ்
• 
  டிசம்பர் 9 முதல் 'அரசன்' படப்பிடிப்பு : சிம்பு கொடுத்த தகவல்
• 
  ஜி.வி.பிரகாஷின் அடுத்த படம் ஹேப்பிராஜ்