Dinamalar

ஹிட் 3 : முதல் நாள் வசூல் 43 கோடி

மே 1ம் தேதியான நேற்று தமிழ், தெலுங்கு, ஹிந்தி ஆகிய மூன்று மொழிகளில் அதிகம் எதிர்பார்க்கப்பட்ட படங்கள் வெளியாகின. தமிழில் 'ரெட்ரோ', தெலுங்கில் 'ஹிட் 3', ஹிந்தியில் 'ரெய்டு 2' ஆகிய அந்தப் படங்களுக்குள் ஆங்கிலப் பெயர் தலைப்பு என்பது ஒரு ஒற்றுமையாக இருந்தது. ஆனால், முதல் நாள் வசூலில் அந்த ஒற்றுமை இருக்குமா என்பது இனிமேல்தான் தெரிய வரும்.

மேற்கண்ட படங்களில் நானி, ஸ்ரீநிதி ஷெட்டி நடிப்பில் வெளிவந்துள்ள 'ஹிட் 3' படத்தின் முதல் நாள் வசூலை அதிகாரப்பூர்வமாக அறிவித்துள்ளனர். அனைத்து மொழிகளிலும் உலக அளவில் 43 கோடி வசூலித்துள்ளது. நேற்றைய வெளியீடுகளில் இந்தப் படத்தின் வசூல்தான் இந்தியப் படங்களில் மிக அதிகம் என்றும் 'பெருமை'பட்டுக் கொண்டுள்ளார்கள். அதனால், 'ரெட்ரோ, ரெய்டு 2' படங்களின் வசூல் அதைவிடக் குறைவானதே என்பதுதான் அதன் அர்த்தம்.

நானி நடித்து இதற்கு முன்பு வெளிவந்த 'தசரா' படம் முதல் நாளில் 38 கோடி வசூலித்தது அவரது படங்களின் சாதனையாக இருந்தது. அதை 'ஹிட் 3' படம் முறியடித்துள்ளது. இந்த வார இறுதிக்குள் இந்தப் படம் 100 கோடி வசூலைக் கடக்கும் என்று எதிர்பார்க்கப்படுகிறது.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  தனுஷ் 56... தமிழரசன் பச்சமுத்து : அப்போ மாரி செல்வராஜ்?
• 
  தாய் கிழவி : சிங்கம் புலி நடிப்பை பாராட்டிய கமல்
• 
  தெலுங்கு, தமிழ் கலாசாரத்துடன் இணைந்திருக்கிறேன்! ஜான்வி கபூர்
• 
  போர் முழக்கம் : வடிவேலுவின் புதிய படம்
• 
  கமல் - ரஜினி இணையும் படம் குறித்து அனிருத் வெளியிட்ட அப்டேட்!