Dinamalar

நான் வெட்கமில்லாதவன் தான் : இசையமைப்பாளர் கோபிசுந்தர் ஓபன் டாக்

மலையாளத்தில் உஸ்தாத் ஹோட்டல், பெங்களூர் டேஸ், புலி முருகன் என பல ஹிட் படங்களுக்கு இசையமைத்தவர் கோபி சுந்தர். இது தவிர தமிழ் மற்றும் தெலுங்கிலும் குறிப்பிடத்தக்க படங்களில் இசையமைத்து வருகிறார். குறிப்பாக தற்போது தெலுங்கு திரையுலகில் தான் அதிக படங்களில் இசையமைத்து வருகிறார். இவர் ஏற்கனவே திருமணம் ஆகி மனைவியை விட்டு பிரிந்தவர். அதன் பிறகு நடிகர் பாலாவின் முன்னாள் மனைவியும், பின்னணி பாடகியுமான அம்ருதா சுரேஷ் என்பவர் உடன் சில வருடங்கள் லிவிங் டுகெதர் ரிலேஷன்ஷிப்பில் இருந்து வந்தார். அடிக்கடி இவர்கள் நெருக்கமாக இருக்கும் புகைப்படங்களை பகிர்ந்து கொண்டு வந்தனர்.

கடந்த இரண்டு வருடங்களாகவே இவர்களுக்குள் பிரிவு ஏற்பட்டு பிரிந்து விட்டனர். தற்போது மயோனி என்கிற பெண்ணுடன் நெருங்கிய நட்பில் இருந்து வருகிறார் கோபி சுந்தர். இருவரும் எடுத்துக் கொண்ட புகைப்படங்களை வெளியிட்டும் வருகிறார். இதனால் சோசியல் மீடியாவில் அடிக்கடி காதல் மன்னன் என்கிற கிண்டலுக்கு ஆளாகி வருகிறார் கோபி சுந்தர்.

சமீபத்தில் இது குறித்து மனம் திறந்து பேசியுள்ள கோபி சுந்தர் கூறும்போது, “பெரும்பாலும் மக்கள் அவர்களது உண்மை முகத்தை மறைக்கவே செய்கிறார்கள். மற்றவர்களின் மகிழ்ச்சிக்காக நடிக்கவும் தங்களை சுருக்கிக் கொள்ளவும் முயற்சிக்கிறார்கள். ஆனால் நான் அதுபோன்று நடிக்க விரும்பவில்லை. நான் நானாகவே வாழ விரும்புகிறேன். என்னை வெட்கம் கெட்ட மனிதன் என்று மற்றவர்கள் அழைத்தால் அதை நான் பெருமையாக ஏற்றுக் கொள்கிறேன்.

பைபிளில் சொல்லப்பட்டுள்ளது போல உண்மை உன்னை சுதந்திரமாக வாழ வைக்கும். கடவுள் உண்மையையும் நேர்மையும் தான் விரும்புவார். அந்தவகையில் உங்களுக்கு தைரியம் இருந்தால் என்னைப் போல வாழ முயற்சி செய்யுங்கள். நமக்கு இருப்பது ஒரே ஒரு வாழ்க்கை. அதை முழுமையாக வாழ்வோம். மற்றவர்களையும் அவரது வாழ்க்கையை வாழ விடுவோம்” என்று தத்துவார்த்தமாக பதில் கூறியுள்ளார்.

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  ஹீரோவான கேஜேஆர் ஸ்டுடியோஸ் தயாரிப்பாளர் ராஜேஷ்! விளையாட்டு வீரராக ...
• 
  'தக்லைப்' படத்தில் எனது கேரக்டர் விமர்சிக்கப்படும்! - திரிஷா வெளியிட்ட ...
• 
  கேரளாவில் ஜெயிலர்-2 படப்பிடிப்பை முடித்துவிட்டு சென்னை திரும்பிய ரஜினி!
• 
  முழுக்க முழுக்க புதுமுகங்களை வைத்து படம் இயக்கும் மணிரத்னம்!
• 
  மீண்டும் தள்ளிப்போனது 'படை தலைவன்' ரிலீஸ்