Dinamalar

'கங்குவா' பட வழக்கு முடிவு : படம் திட்டமிட்டபடி வரும்...

ஸ்டுடியோ க்ரீன் நிறுவனம் தயாரிப்பில், சிவா இயக்கத்தில் சூர்யா நடித்துள்ள படம் 'கங்குவா'. அடுத்த வாரம் நவம்பர் 14ம் தேதி இப்படம் உலகம் முழுவதும் 10 ஆயிரம் தியேட்டர்களுக்கு மேல் வெளியாக உள்ளது.


இதனிடையே, இப்படத்தை வெளியிடத் தடை கோரி ரிலையன்ஸ் நிறுவனம் சென்னை உயர்நீதிமன்றத்தில் வழக்கு தொடர்ந்திருந்தது. தங்களுக்குத் தரவேண்டிய நிலுவைத் தொகையான 55 கோடி ரூபாய் பணத்தை ஆகஸ்ட் மாதம் செய்து கொண்ட ஒப்பந்தப்படி இன்னும் தரவில்லை. அதைத் தராமல் 'கங்குவா' படத்தை வெளியிடக் கூடாது என்று வழக்கு தாக்கல் செய்திருந்தனர்.


அந்த வழக்கு நேற்று விசாரணைக்கு வந்தது. அப்போது ஸ்டுடியோ க்ரீன் நிறுவனம் தரப்பில் இன்றைக்குள் அந்தத் தொகையைத் தந்துவிடுவதாக உத்தரவாதம் தரப்பட்டது. இன்று வழக்கு மீண்டும் விசாரணைக்கு வந்த நிலையில், அந்தத் தொகையை செலுத்தி விட்டதாகத் தெரிவித்தனர். இதையடுத்து படத்தை வெளியிட எந்தத் தடையும் இல்லை என நீதிபதி வழக்கை முடித்து வைத்தார்.


எனவே, படம் வெளியாவதில் எந்த சிக்கலுமில்லை.
இதனிடையே கங்குவா படத்திற்கு தணிக்கை குழுவில் யு/ஏ சான்று கிடைத்திருப்பதாக படக்குழு அறிவித்துள்ளது.

• 
  மாதுரி தீட்சித் உடன் நடனமாடியது பெருமை - வித்யாபாலன்
• 
  ''குற்ற உணர்வால் எடுத்த முடிவு.. 10 ஆண்டுகளே நடிப்பேன்'': அமீர்கான் ...
• 
  36 ஆண்டுகளை நிறைவு செய்த 'தேசாப்' : மகிழ்ச்சியில் மாதுரி தீட்சித்
• 
  நவ., 22ல் ரிலீஸாகும் மிருணாள் குல்கர்னியின் ‛தாய் ஆகர்'
• 
  50 லட்சம் கேட்டு ஷாருக்கானுக்கு கொலை மிரட்டல்

• 
  ராஷி கண்ணாவுக்கு ஏற்பட்ட காதல் தோல்வி
• 
  அப்பா- அம்மாவின் பிடிவாதம் ஏற்படுத்திய பாதிப்பு! - ஸ்ருதிஹாசன் வெளியிட்ட ...
• 
  கார்த்தியின் வா வாத்தியார் படத்தின் டீசர் வெளியானது!
• 
  அமரன் லுக்கில் மனைவிக்கு இன்ப அதிர்ச்சி தந்த சிவகார்த்திகேயன்
• 
  துல்கர் சல்மானுக்கு முதல் ரூ.100 கோடி வசூலை தந்த லக்கி பாஸ்கர்