நடிப்பிற்கு இடைவெளி விடுகிறாரா விஜய்?

03 ஜூலை, 2023 - 03:09 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவிலிருந்து அரசியலுக்குள் நுழையப் போகும் அடுத்த நடிகர் விஜய் என கடந்த மாதத்திலிருந்து சினிமா உலகிலும், அரசியல் உலகிலும் ஒரு பரபரப்பு ஏற்பட்டுள்ளது. கல்வி உதவி வழங்கும் விழாவை விஜய் நடத்தியதே அரசியலுக்கான முதல் படிக்கட்டுதான் என விமர்சனங்கள் எழுந்தன. பொதுவாக மாவட்ட வாரியாகத்தான் முதலிடம் பிடிப்பவர்களைப் பாராட்டுவார்கள். ஆனால், விஜய் சட்டசபைத் தொகுதி வாரியாக அழைத்து கவுரவித்ததுதான் அந்த அரசியல் கேள்வியை எழுப்பியது.

இந்நிலையில் விஜய் அடுத்த சட்டசபைத் தேர்தல் நடைபெற உள்ள 2026ம் ஆண்டு வரையில் புதிய படங்களில் நடிக்கப் போவதில்லை என்று செய்திகள் காலையில் இருந்து பரவிக் கொண்டிருக்கிறது. தற்போது அவர் நடித்து வரும் 'லியோ' படத்தின் படப்பிடிப்பு இன்றுடன் முடிவடைகிறது. அடுத்து வெங்கட் பிரபு இயக்கத்தில் அவருடைய 68வது படத்தில் ஓரிரு மாத இடைவெளியில் நடிக்கப் போகிறார் என்றும் இன்று வெளியான தகவல். இந்த 68வது படத்தை முடித்த பிறகு விஜய் வேறு எந்தப் படத்திலும் நடிக்க மாட்டார். அவரிடம் பேசிய சில தயாரிப்பாளர்களிடம் அவர் இந்தத் தகவலைத் தெரிவித்திருக்கிறார் என்று செய்திகள் பரவி வருகின்றன.

இது எந்த அளவிற்கு உண்மை என்பது தெரியவில்லை. விஜய் ஒரு படத்தில் நடித்து முடிக்கும் சமயம்தான் அவருடைய அடுத்த படத்தின் அறிவிப்பு வெளியாகும். ஆனால், 'லியோ' படத்தில் நடித்துக் கொண்டிருக்கும் போதே அவருடைய 68வது படம் பற்றிய அறிவிப்பு வெளியானது. இவ்வளவு அவசரமாக விஜய் அறிவித்ததன் காரணம் அரசியல் நுழைவுதான் என்றும் பேசிக் கொள்கிறார்கள்.
இப்படி ஒரு செய்தி வெளியான பிறகு விஜய் ரசிகர்கள் சமூக வலைதளங்களில் இதற்கான ஆதரவுக் கருத்தையும், எதிர்ப்புக் கருத்தையும் பகிர்ந்து வருகிறார்கள். இப்படி ஒரு தகவல் பரவுவதற்கு விஜய் தரப்பிலிருந்து ஏதாவது பதில் வருமா என்று ரசிகர்கள் காத்திருக்கிறார்கள்.

Thalapathy Vijay

Break

Thalapathy68

விஜய்

கருத்துகள் (0) கருத்தைப் பதிவு செய்ய

'தியேட்டரில் சந்திப்போம்': ...

அனுஷ்காவின் 'மிஸ் ஷெட்டி மிஸ்டர் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய