Dinamalar

தீபாவளி போட்டியில் இணைந்த 'ஜப்பான்'

2023ம் ஆண்டு தீபாவளிக்கான தமிழ்ப் படங்களின் வெளியீடுகளில் கொஞ்சம் கொஞ்சமாக போட்டி அதிகரித்து வருகிறது. இதற்கு முன்பு 'அயலான், ஜிகர்தண்டா டபுள் எக்ஸ்' ஆகிய படங்கள் தீபாவளி வெளியீடு என அறிவிக்கப்பட்டன. தற்போது 'ஜப்பான்' படமும் தீபாவளி வெளியீடு என அறிவிக்கப்பட்டுள்ளது.

ராஜு முருகன் இயக்கத்தில், ஜிவி பிரகாஷ் இசையமைப்பில், கார்த்தி, அனு இம்மானுவேல், சுனில் மற்றும் பலர் இப்படத்தில் நடித்து வருகிறார்கள். கார்த்தியின் 25வது படமாக இது உருவாகி வருகிறது. இன்று கார்த்தியின் பிறந்தநாளை முன்னிட்டு இந்த அறிவிப்பை வெளியிட்டுள்ளார்கள். புதிய போஸ்டருடன் தீபாவளி வெளியீடு பற்றிய அறிவிப்பை வெளியிட்டுள்ளார்கள்.

மேலும், யார் 'ஜப்பான்'? என்பது பற்றிய வீடியோ அறிவிப்பொன்றையும் இன்று காலை சிம்பு மூலம் வெளியிட்டனர். 'ஜப்பான்' மேட் இன் இந்தியா என்ற வசனம் கவனம் ஈர்த்துள்ளது. வித்தியாசமான வேடத்தில் கார்த்தி நடித்திருப்பது அந்த வீடியோவின் மூலம் புரிந்து கொள்ள முடிகிறது.

ரவிக்குமார் இயக்கத்தில், ஏஆர் ரஹ்மான் இசையமைப்பில், சிவகார்த்திகேயன், ரகுல் ப்ரீதி மற்றும் பலர் நடிக்கும் 'அயலான்', மற்றும் கார்த்திக் சுப்பராஜ் இயக்கத்தில், சந்தோஷ் நாராயணன் இசையமைப்பில், ராகவா லாரன்ஸ், எஸ்ஜே சூர்யா, நிமிஷா சஜயன் மற்றும் பலர் நடிக்கும் 'ஜிகர்தண்டா டபுள் எக்ஸ்' ஆகியவை தீபாவளிக்கு அறிவிக்கப்பட்டுள்ள மற்ற படங்கள்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  அஜித் பட ஹீரோயின் யார்
• 
  சினிமாவில் நடப்பதை மட்டும் பூதக் கண்ணாடி வச்சு பாக்காதீங்க : குஷ்பு ...
• 
  பழனி முருகன் கோவிலில் குடும்பத்துடன் சாமி தரிசனம் செய்த விக்னேஷ் சிவன் - ...
• 
  அர்ஜுன் தாஸ் குரலைப் பாராட்டிய பவன் கல்யாண்
• 
  சுதீப் 47 படத்தை இயக்கப் போகும் 'மேக்ஸ்' இயக்குனர்