முத்தம் குறித்த கேள்விக்கு நாகசைதன்யா அளித்த பதில்

வெங்கட் பிரபு இயக்கத்தில் நாகசைதன்யா, கிருத்தி ஷெட்டி இணைந்து நடித்துள்ள படம் கஸ்டடி. இப்படத்தின் பிரமோஷன் பணிகள் தற்போது விறுவிறுப்பாக நடைபெற்று வருகிறது. அதனால் பல மீடியாக்களை சந்தித்து பேட்டி கொடுத்து வருகிறார் நாகசைதன்யா. இந்த நிலையில், அவர் அளித்த ஒரு பேட்டியில், இதுவரை நீங்கள் எத்தனை பேருக்கு முத்தம் கொடுத்து இருப்பீர்கள்? என்று கேட்கப்பட்ட கேள்விக்கு, எத்தனையோ படங்களில் இதுவரை முத்த காட்சிகளில் நடித்திருக்கிறேன். அதை எல்லாம் எப்படி கணக்கு போட முடியும். நிறைய பேருக்கு நான் முத்தம் கொடுத்து இருக்கிறேன் என்று சொல்லி அதற்கான பதிலை முடித்துக் கொண்ட நாகசைதன்யாவிடத்தில், உங்களது ரகசிய கிரஷ் யார்? என்ற கேள்விக்கு சமீபத்தில் பாபிலோன் என்ற படத்தை பார்த்தேன். அந்த படத்தில் நடித்திருந்த மார்கோராபி மிக சிறப்பாக நடித்திருந்தார். அவர் மீதும் அவரது நடிப்பு மீதும் எனக்கு கிரஷ் வந்துள்ளது என்றார் நாக சைதன்யா.