Advertisement
நீங்கள் இங்கே இருக்கிறீர்கள்: முகப்பு » விமர்சனம் »

கேடி பில்லா கில்லாடி ரங்கா

கேடி பில்லா கில்லாடி ரங்கா,Kedi Billa Killadi Ranga
08 ஏப், 2013 - 17:31 IST

 கருத்தைப் பதிவு செய்ய

எழுத்தின் அளவு:
தினமலர் விமர்சனம் » கேடி பில்லா கில்லாடி ரங்கா

   

தினமலர் விமர்சனம்



"பசங்க படத்தில் இயக்குனர் பாண்டிராஜால் அறிமுகம் செய்யப்பட்ட விமலும், "மெரினா படத்தில் அதே இயக்குனரால் அறிமுகம் செய்து வைக்கப்பட்ட சிவகார்த்திகேயனும், பாண்டிராஜ் இயக்கத்திலேயே இணைத்து நடித்து வெளிவந்திருக்கும் படம் தான் "கேடி பில்லா கில்லாடி ரங்கா".

கதைப்படி விமலும், சிவகார்த்திகேயனும் வேலை இல்லாத வெட்டி ஆபிஸர்கள். அரசியலில் சாதிக்க வேண்டும் என்பதற்காக உள்ளூர் மாஜி எம்.எல்.ஏ.வுக்கு அடி வருடிகளாக திரியும் இருவரும், காதலில் விழுந்தால் நட்பு கெட்டு போகும் என்பதால் பல பெண்கள் காதல் தூது விட்டும் அதை தவிர்த்து கட்ட பிரம்மச்சாரிகளாக வாழ்ந்து வருபவர்கள். இப்படிப்பட சூழலில் இருவருக்கும் காதல் வருகிறது. கூடவே கவுன்சிலர் ஆகும் ஆசையும் வருகிறது. அதற்காக பில்லாவும், ரங்காவும் அதாங்க விமலும், சிவகார்த்தியும் செய்யும் கேடித்தனமும், கில்லாடித்தனமும் தான் "கேடி பில்லா கில்லாடி ரங்கா படத்தின் மொத்த கதையும்! இது கூடவே க்ளைமாக்ஸில் அப்பா - மகன்கள் சென்டிமெண்ட்டையும் கலந்து கட்டி "கே.பி.கி.ர படத்தை கலர்புல்லாகவும், கருத்து புல்லாகவும் தந்திருக்கிறார் இயக்குனர்!

தேனி கேசவன் அலைஸ் பில்லாவாக விமல், தேனி என் சொந்த ஊர் இல்லை... தேனீ மாதிரி சுறுசுறுப்பாக இருக்க வேண்டுமென்பதால் தேனி கேசவன் என்று தனது இயற்பெயருக்கு சொல்லும் விளக்கமாகட்டும், பில்லா படத்தை டி.வி.யில் தன் தாய் பார்த்துக் கொண்டிருந்த போது பிரசவலி ஏற்பட்டு தான் பிறந்ததால் தனக்கு தானே பில்லா எனப் பட்டப்பெயர் சூட்டிக் கொண்ட கதையாகட்டும், ஒவ்வொன்றும் சீன் பை சீன் லாஜிக்காக லாபிங் (அதாங்க சிரிப்பு...) கை ஏற்படுத்துபவை! காதலே கூடாது எனும் கருத்துடைய விமல், பிந்து மாதவியை பார்த்ததும் அவரை அடைய பண்ணும் கேடித்தனங்கள் செம காமெடி!

பில்லா மாதிரியே ரங்கா சிவகார்த்திகேயனுக்கும் பெரிய ப்ளாஷ்பேக் உண்டென்றாலும் அதை பெரிதாக சீனாக்காமல், ஜெராக்ஸ் கடை பாப்பா(இதாங்க கேரக்டர் பெயர்) ரெஜினாவுக்காக தேவுடு காக்கும் சிவகார்த்திகேயனின் சில்மிஷங்கள் சுவாரஸ்யம்! அரசியல், காதல் என அனைத்து களத்திலும் இவரது மிமிக்கிரி வாய்ஸ் மாடுலேஷன் கூடுதல் பலம்!

கராத்தே தெரிந்த நாயகி பிந்து மாதவி, காமெடி தெரிந்த ரெஜினா இருவருமே கேடி கில்லாடிகளின் ஜோடிகளாக சூப்பர்ப்! பரோட்டா சூரி, டெல்லி கணேஷ், மனோஜ் குமார், மகேந்திரன், நமோ நாராயணன், சுஜாதா உள்ளிட்டோரும் அவர்களது பாத்திரங்களும் படத்திற்கு மேலும் வலு சேர்த்திருக்கின்றன!

யுவன் ஷங்கர் ராஜாவின் இசை, விஜய்யின் ஒளிப்பதிவும், அத்தியப்பன் சிவாவின் படத்தொகுப்பு உள்ளிட்டவை தொழில்நுட்ப ரீதியில் "கேடி பில்லா கில்லாடி ரங்காவை தூக்கி நிறுத்துகின்றன!

ஓப்பனிங் சீனிலேயே "நாளை‌யோட குடியை விடுறோம் மச்சி... என்று விடாமல் விமல், சிவகார்த்தி அண்ட்‌ கோவினர் குடித்தபடியே இருப்பதின் நீளத்தை சற்றே குறைத்திருக்கலாம்! மற்றபடி பாடல் காட்சியில் கூட கண்டியூனிட்டி மிஸ் ஆகாமல் பாடல் காட்சி தானே, என்று விமலின் கையில் இருந்த அர்ச்சனை பையை விட்டு விடாமல், அடுத்த சீனுக்கு எடுத்து வரும் வரை பாடல் காட்சியிலும் ஒருமுறை காட்டும் பாண்டிராஜின் எழுத்து-இயக்கத்தில் 2 மணி நேரம் படம், 20பது நிமிடம் பாடம் என வெளிவந்திருக்கும் "கேடி பில்லா கில்லா ரங்கா" கருத்து "வெடி - காமெடி கில்லாடி!" பேஷ்... பேஷ்!!



-----------------------------------------------------------------


குமுதம் சினி விமர்சனம்



காமெடியா படம் எடுத்தால் கல்லா கட்டலாம் என்ற தமிழ் சினிமாவின் தற்போதைய ட்ரெண்டைப் பின்பற்றி படமெடுத்திருக்கிறார் பாண்டியராஜ்.

அப்பா அம்மாவுக்கு பாரமாக வெட்டியாய்ச் சுற்றும் இரண்டு இளைஞர்கள். மனைவி, மாமனாருக்கு பாரமாக இருக்கும் ஓர் இளைஞன். இந்த மூன்று நண்பர்களும் அடிக்கும் லூட்டிதான் எல்லாம்.

சிவகார்த்திகேயன், சந்தானமாக ஜோக் அடிக்கிறார். அவர் என்ன சொன்னாலும் தியேட்டரில் விழுந்து விழுந்து சிரிக்கிறார்கள். விமல், சூரி வேறு இருப்பதால் கைதட்டல் தூள் கிளப்புகிறது.

பிந்து மாதவி, ரெஜினா இருவரும் பளபள, தளதள!

படத்தின் பெரிய ப்ளஸ் பாயிண்ட், வசனம். “கடல்ல சேர்ந்த ஆறும், பொண்ணுகிட்ட கொடுத்த காசும் திரும்ப வராது’ போன்ற பஞ்ச் டயலாக்குகள் அலுக்கவே இல்லை.

யுவனின் இசையில் சிம்பு பாடும் “பொறம்போக்கு’ பாடல் பளிச்.

படம் முழுக்க 99 ஜோக்குகளை உதிர்த்துவிட்டு, நூறாவதாக “தந்தையே தெய்வம்’ என்று நீதிபோதனை செய்யும்போது பாண்டியராஜ் பளிச்சிடுகிறார்.

“பசங்க’, “மெரினா’வை நினைவில் வைத்துக் கொள்ளாமல் சும்மா ஜாலியாகச் சென்றால் கைதட்டி ரசிக்கலாம்.

கே.பி.கி.ர. - 90% காமெடி, 10% சென்ட்டிமெண்ட்!

குமுதம் ரேட்டிங் - ஓகே



வாசகர் கருத்து (22)

Ramachandra Prabu - theni,இந்தியா
11 மே, 2013 - 11:27 Report Abuse
Ramachandra Prabu படம் பார்ப்பது கஷ்டத்தை மறக்க. உண்மையில் என் கஷ்டம் மறந்தே விட்டது. படத்துல விமல்-பிந்து மாதவி மற்றும் சிவகர்த்திகேயன்-ரெஜினா காம்பினேசன். சூப்பர் ஒ சூப்பர். நன்றி பண்டியராஜ், விமல், சிவகர்த்திகேயன், மற்றும் பரோட்டா சூரி, மற்றும் பட குழுவினர்.
Rate this:
kuppu - selam,இந்தியா
26 ஏப், 2013 - 15:46 Report Abuse
kuppu படம் கிளைமாக்ஸ் வெரி மொக்க
Rate this:
kuppu - selam,இந்தியா
26 ஏப், 2013 - 15:34 Report Abuse
kuppu படம் படு மொக்க. படம் பார்க்க பார்க்க ரத்தம் வருது
Rate this:
க.செல்வராஜ் - திருப்பூர்,இந்தியா
18 ஏப், 2013 - 14:10 Report Abuse
க.செல்வராஜ் நல்லா இருக்குது, ஆனா நல்லா இல்ல.,,,
Rate this:
Madhan - kangayam,இந்தியா
08 ஏப், 2013 - 18:25 Report Abuse
Madhan இப்ப வர காமெடி படத்துலய இந்த படம் தான் கொஞ்சம் நல்லாyirukku
Rate this:
மேலும் 17 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g  to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement

மேலும் விமர்சனம்

  • டாப் 5 படங்கள்

  • Advertisement
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2023 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in