Dinamalar

வசூலைக் குவிக்கும் ரன்வீர் சிங்கின் 'துரந்தர்'

ஆதித்ய தர் இயக்கத்தில், ரன்வீர் சிங், சஞ்சய் தத், அக்ஷக் கண்ணா, மாதவன், சாரா அர்ஜுன் மற்றும் பலர் நடிப்பில் கடந்த வாரம் டிசம்பர் 5ம் தேதி வெளியான ஹிந்திப் படம் 'துரந்தர்'. இப்படம் நான்கு நாட்களில் நிகர வசூலாக 130 கோடிக்கும் அதிகமாக வசூலித்து ரன்வீர் சிங்கின் முந்தைய பட வசூல் சாதனையை முறியடித்துள்ளதாம்.

இந்த ஆண்டில் முதல் நாளில் அதிக வசூலைக் குவித்த ஹிந்திப் படமான 'சாயாரா' 31 கோடியைப் பெற்றது. 'துரந்தர்' 28 கோடியைப் பெற்று இரண்டாமிடத்தைப் பிடித்துள்ளது. 26/11 தீவிரவாத தாக்குதல்களுக்குப் பிறகு இந்திய ஏஜென்ட் ஆன ரன்வீர் சிங் பாகிஸ்தானுக்குள் நுழைந்து என்ன செய்கிறார் என்பதுதான் படத்தின் கதைச் சுருக்கம்.

இந்தப் படத்தின் மூலம் ஹிந்தியில் நாயகியாக அறிமுகமாகி இருப்பவர் சாரா அர்ஜுன். தமிழில் 'தெய்வத் திருமகள், சைவம்' படங்களில் குழந்தை நட்சத்திரமாக நடித்தவர். 'துரந்தர்' படத்தில் ரன்வீர் சிங், சாரா சம்பந்தப்பட்ட புகைப்படங்கள் வந்த போது இந்த ஜோடியின் வயது வித்தியாசம் குறித்து சர்ச்சை எழுந்தது. ஆனால், படம் வெளிவந்த பிறகு அது மறைந்து போனது.

மேலும், இப்படத்தின் ஓடிடி உரிமையை 130 கோடிக்கு நெட்பிளிக்ஸ் பெற்றுதாக பாலிவுட் வட்டாரங்களில் தகவல் பரவியுள்ளது. ரன்வீர் சிங்கின் படம் ஒன்று இந்த அளவிற்கு ஓடிடி உரிமைக்கு விற்கப்பட்டுள்ளதும் இதுவே முதல் முறை. வருடக் கடைசியில் ஒரு ஹிட் படம் வந்துள்ளதால் பாலிவுட்டினர் மகிழ்ச்சியில் இருக்கிறார்களாம்.

• 
  தேர்தல் பிரச்சாரத்துக்கு செல்வாரா வடிவேலு
• 
  விரைவில் யூத் பட வெற்றி விழா
• 
  நிறையபேர் கைலாசம் போயிட்டாங்க, ரஞ்சிதா கைலாச போயிட்டாங்க : கஸ்தூரி
• 
  'நீளிரா' பெரிய தாக்கத்தை ஏற்படுத்தும் : 'எமகாதகி' புகழ் ரூபா
• 
  பிளாஷ்பேக் : திருமண வாழ்க்கை தோல்வியால் ஒளிப்பதிவாளரான விஜயலட்சுமி

• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்