கர்நாடக மாநிலம், பெங்களூவை சேர்ந்தவர் நடிகர் பிரகாஷ் ராஜ். 1965ம் ஆண்டு, மார்ச் 26ம் தேதி, மஞ்சுநாத்ராய்-ஸ்வர்ணாலதா ஆகியோருக்கு, மகனாக பிறந்தவர் பிரகாஷ் ராய். ஆரம்பத்தில் பெங்களூர் டி.வி., நிகழ்ச்சி மற்றும் நாடகங்களில் பங்கேற்று வந்தவர், சினிமாவுக்காக தனது பெயரை பிரகாஷ் ராஜ் என்று மாற்றிக் கொண்டார். இயக்குநர் பாலசந்தரால் டூயட் படத்தின் மூலம் சினிமாவில் அறிமும் ஆன பிரகாஷ் ராஜ் தொடர்ந்து பல்வேறு படங்களில் நடித்து முன்னணி நடிகராக உயர்ந்தார். குறிப்பாக தென்னிந்திய மொழிகளில் முன்னணி வில்லனாக வலம் வந்தவர் தன்னை ஒரு சிறந்த குணச்சித்திர நடிகராகவும் நிரூபித்துள்ளார். நடிகர், இயக்குநர், தயாரிப்பாளர் என பன்முகம் கொண்டவர் பிரகாஷ் ராஜ். நடிகை லலிதா குமாரியை 1994ம் ஆண்டு திருமணம் செய்தவர் 2009ம் ஆண்டு அவரை விவாகரத்து செய்தார். பின்னர் நடன அமைப்பாளர் போனி வர்மாவை இரண்டாவது திருமணம் செய்து கொண்டார்.

• இவரை பற்றி
• செய்திகள்
• ஆல்பம்
• வந்த படங்கள்
• வரவிருக்கும் படங்கள்
• டுவிட்டர்