தமிழ், தெலுங்கில் தயாராகும் கபடி வீரர் கதை

25 மார், 2021 - 11:56 IST

0 கருத்துகள் கருத்தைப் பதிவு செய்ய

எழுத்தின் அளவு:

1980களில் இந்தியாவுக்காக விளையாடிய கபடி வீரரின் உண்மைக் கதையை உணர்ச்சிப்பூர்வமாக சொல்லும் திரைப்படமான 'அர்ஜுன் சக்ரவர்த்தி' வேகமாக வளர்ந்து வருகிறது. ஒளிப்பதிவாளர் வேணு கே சியின் இயக்கத்தில் உருவாகும் இப்படத்தை கன்னெட் செல்லுலாய்டு நிறுவனத்திற்காக ஸ்ரீனி குப்பலா தயாரிக்கிறார்.

புதுமுகங்களான விஜய ராம ராஜூ மற்றும் சிஜா ரோஸ் நடிக்கும் இந்தப் படத்தில், அஜய், தயானந்த் ரெட்டி, அஜய் கோஷ் மற்றும் துர்கேஷ் உள்பட பலர் நடிக்கின்றனர். விக்னேஷ் பாஸ்கரன் இசை அமைக்கிறார், ஜெகதீஷ் சீகட்டி ஒளிப்பதிவு செய்கிறார். கடந்த 2 வருடங்களாக தயாரிப்பில் உள்ள இந்தப் படம் தெலங்கானா, ஆந்திரப் பிரதேசம், காஷ்மீர் உள்ளிட்ட நாடு முழுவதுமுள்ள 125 இடங்களில் படப்பிடிப்பு நடைபெற்றுள்ளது.

படம் பற்றி இயக்குனர் வேணு கே.சி.கூறியதாவது: அர்ஜூன் சக்ரவர்த்தியின் குழந்தைப் பருவம் முதல் நடுத்தர வயது வரையிலான தோற்றத்தை சரியாக வெளிப்படுத்துவதற்காக பல்வேறு உருவ மாற்றங்களுக்கு கதாநாயகன் தன்னை உட்படுத்திக் கொண்டிருக்கிறார்.

கதை நடக்கும் காலத்தை மிகச்சரியாக பிரதிபலிக்க வேண்டும் என்பதற்காக 1960 மற்றும் 1980களில் இருந்த கிராமங்கள் மற்றும் ஹைதராபாத் நகரம் ஆகியவை கலை இயக்குநர் சுமித் படேல் தலைமையிலான குழுவால் பெரும் பொருட்செலவில் உருவாக்கப்பட்டுள்ளன. இதற்கான ஆராய்ச்சி மற்றும் பணிகளுக்காக மட்டுமே இரண்டு ஆண்டுகள் செலவிடப்பட்டுள்ளன.

தெலுங்கு மற்றும் தமிழில் உருவாகி வரும் அர்ஜுன் சக்ரவர்த்தியை இந்தி, மலையாளம், கன்னடம் ஆகிய மொழிகளில் டப் செய்து இந்தியா முழுவதும் வெளியிட திட்டமிடப்பட்டுள்ளது. என்றார்.

Arjunchakravarthy

கருத்துகள் (0) கருத்தைப் பதிவு செய்ய

தமிழால் கிடைத்த வாய்ப்பு: துஷாரா ...

ஓடிடி தளத்திற்கு படம் தயாரிக்கிறது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய