Dinamalar

'மாஸ்டர்' டீசர் சாதனையை முறியடித்த 'கேஜிஎப் 2' டீசர்

2018ம் ஆண்டு வெளிவந்த 'கேஜிஎப்' படத்தின் இரண்டாம் பாகமான 'கேஜிஎப் சேப்டர் 2' டீசர் நேற்று இரவே யு டியூபில் வெளியிடப்பட்டது. இன்று காலையில் வெளியாவதாக இருந்த டீசர் நேற்று இரவில் சமூக வலைத்தளங்களில் 'லீக்' ஆனதால் இரவு 9.29 மணிக்கே டீசரை வெளியிட்டுவிட்டார்கள்.

வெளியான பத்து மணி நேரத்திற்குள்ளாக இரவு நேரத்திலும் இந்த டீசர் புதிய சாதனையைப் படைத்துள்ளது. இதற்கு முன்பு 'மாஸ்டர்' டீசர் 24 மணி நேரத்திற்குள்ளாக 1.85 மில்லியன் லைக்குகளைப் பெற்று சாதனை புரிந்தது. அந்த சாதனையை 10 மணி நேரம் 30 நிமிடங்களுக்குள்ளாகவே 'கேஜிஎப் 2' டீசர் முறியடித்துவிட்டது.

மேலும், 'மாஸ்டர்' டீசர் 78 நிமிடங்களில் 1 மில்லியன் லைக்குகள் பெற்ற சாதனையை 'கேஜிஎப் 2 டீசர்' 76 நிமிடங்களில் புரிந்திருக்கிறது.

ஒரு கன்னடப் படத்தின் டீசர் இந்த அளவிற்கு ஒரு சாதனையைப் புரிந்திருப்பது மிகப் பெரும் ஆச்சரியமாகப் பார்க்கப்படுகிறது. கன்னடம், தமிழ், தெலுங்கு, ஹிந்தி, மலையாளம் என ஐந்து மொழிகளில் இப்படம் வெளியாக இருந்தாலும் டீசரை ஆங்கிலத்தில் வெளியிட்டிருந்தார்கள் என்பது குறிப்பிடத்தக்கது.

தற்போது வரை 20 மில்லியன் பார்வைகளை இந்த டீசர் கடந்துள்ளதாக படக்குழுவினர் தெரிவிக்கிறார்கள். தென்னிந்திய அளவில் இந்த டீசர் மேலும் சில சாதனைகளை படைக்கும் என எதிர்பார்க்கப்படுகிறது.

இதனிடையே, ஐந்து மொழிகளுக்கும் சேர்த்து தான் 'கேஜிஎப் 2' டீசர் இந்த சாதனையைப் புரிகிறது. ஆனால், 'மாஸ்டர்' டீசர் தமிழில் மட்டுமே அந்த சாதனையைப் புரிந்தது என விஜய் ரசிகர்கள் சமூக வலைத்தளங்களில் சண்டையிட ஆரம்பித்துவிட்டார்கள்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  மீண்டும் இயக்குனராக களமிறங்கும் பிரபுதேவா!
• 
  ரஜினி பிறந்தநாளில் ‛ஜெயிலர் 2' சர்ப்ரைஸ்!
• 
  மகத் ராகவேந்திரா, ஐஸ்வர்யா ராஜேஷ் இணைந்து நடிக்கும் புதிய படம்!
• 
  இசை பல்கலைக்கழகத்தில் பாடகி மாலதி லக்ஷ்மனுக்கு முக்கிய பொறுப்பு
• 
  பிளாஷ்பேக்: மொழி மாற்றம் செய்து வியாபாரப் போட்டியில் வென்று காட்டிய ஏ வி ...