Dinamalar

மெர்சல், தீரன், அறம் : சின்னத்திரையின் பொங்கல் விருந்து

வருகிற 14ந் தேதி ஞாயிற்றுக் கிழமை பொங்கல் பண்டிகை கோலகலமாக கொண்டாடப்பட இருக்கிறது. ரசிகர்களுக்கு பொங்கல் விருந்தாக சுடச்சுட மிக சமீபத்தில் வெளியான சூப்பர் ஹிட் படங்கள் ஒளிபரப்பாக இருக்கிறது.

மெர்சல்
கடந்த அக்டோபர் மாதம் 18ந் தேதி தீபாவளியையொட்டி வெளியான படம் மெர்சல். விஜய், சமந்தா, நித்யா மேனன், எஸ்.ஜே.சூர்யா, காஜல் அகர்வால், வடிவேலு, சத்யராஜ் நடித்திருந்தார்கள். ஏ.ஆர்.ரகுமான் இசை அமைத்திருந்தார், ஜி.கே.விஷ்ணு ஒளிப்பதிவு செய்திருந்தார். சுமார் 120 கோடி செலவில் தேனாண்டாள் பிலிம்ஸ் தயாரித்திருந்தது. விஜய், வெற்றி மாறன், டாக்டர் மாறன், தளபதி என மூன்று கேரக்டர்களில் நடித்திருந்தார்.
படத்தில் மத்திய அரசின் பணமதிப்பிழப்பு, ஜிஎஸ்டி வரிக்கு எதிரான வசனங்கள் இருந்தது. அதற்கு பா.ஜனதா கட்சி கடும் எதிர்ப்பு தெரிவித்ததால் அந்த நெகட்டிவ் பப்ளிசிட்டி மூலம் படம் வசூலைக் குவித்தது. இந்தப் படம் ஜீ தமிழ் சேனலில் பொங்கல் தினத்தன்று மாலை 4 மணிக்கு ஒளிப்பரப்பாகிறது. தீபாவளிக்கு வெளியான விஜய் படம், அதற்கு அடுத்த பொங்கலுக்கு டி.வியில் ஒளிபரப்பாவது இதுவே முதல் முறை.

தீரன் அதிகாரம் ஒன்று
கார்த்திக், ரகுல் ப்ரீத்தி சிங், போஸ் வெங்கட், அபிமன்யூ சிங் நடித்த படம் தீரன் அதிகாரம் ஒன்று. சதுரங்க வேட்டை படத்தை இயக்கிய எச்.வினோத் இயக்கிய படம். ஜிப்ரான் இசை அமைத்திருந்தார், சத்யன் சூரியன் ஒளிப்பதிவு செய்திருந்தார். ட்ரீம் வாரியர் பிக்சர்ஸ் சார்பில் எஸ்.ஆர்.பிரபு தயாரித்திருந்தார்.

தமிழக போலீஸ் வரலாற்றில் பெருமையாக குறிப்பிடப்படும் ஆபரேஷன் பவேரியா நிகழ்வை அடிப்படையாக கொண்டு உருவான படம். நீண்ட இடைவெளிக்கு பிறகு கார்த்திக்கிற்கு வெற்றி கொடுத்த படம். கடந்த நவம்பர் மாதம் வெளிவந்து வெற்றி பெற்ற படம், 57 நாட்களில் சின்னத்திரையில் ஒளிபரப்பாகிறது. விஜய் டி.வியில் பொங்கல் அன்று காலை 11 மணிக்கு ஒளிபரப்பாகிறது.

அறம்
நயன்தரா நடிப்பில் உருவான அறம் பரவலான பாராட்டுகளையும், வெற்றியையும் பெற்றது. கோபி நயினார் என்ற புதுமுகம் இயக்கி இருந்தார். ஜிப்ரான் இசை அமைத்திருந்தார், ஓம் பிரகாஷ் ஒளிப்பதிவு செய்திருந்தார். படத்தை நயன்தாராவே தயாரித்திருந்தார். ஆழ்துளை கிணற்றுக்குள் விழந்த ஒரு குழந்தையை காப்பாற்றும் நேர்மையான கலெக்டரின் கதை.

கடந்த நவம்பர் மாதம் வெளியான படம், பொங்கலன்று சின்னத்திரையில் ஒளிபரப்பாகிறது. முன்னணி தொலைக்காட்சி இதனை காலை 11 மணிக்கு ஒளிபரப்புகிறது. இந்த மூன்று படங்களும் விமர்சன ரீதியாகவும், வசூல் ரீதியாகவும் வெற்றி பெற்ற படங்கள் என்பது குறிப்பிடத்தக்கது.

• 
  இயக்குனர் அவதாரம் எடுக்கும் ஹிருத்திக் ரோஷன்
• 
  உ.பி.முதல்வர் யோகியின் வாழ்க்கை சினிமா ஆகிறது
• 
  இந்த உலகில் யாரும் சுயமாக உருவாக்கப்படுவது இல்லை : சல்மான் கான் பேட்டி
• 
  தென்னிந்திய ரசிகர்களை குறை சொல்லும் சல்மான் கான்
• 
  ஆஸ்கர் விருதுக்கு சென்ற படத்திற்கு இந்தியாவில் தடை

• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்
• 
  சபாபதி, சந்திரமுகி, கல்கி 2898 ஏடி- ஞாயிறு திரைப்படங்கள்
• 
  வள்ளியின் வேலன் தொடரில் கவர்னர் வேடத்தில் இனியா
• 
  கடன் வாங்கி நடுத்தெருவுக்கு வந்தேன் - நீலிமா ராணி ஓப்பன் டாக்
• 
  இதயம் சீரியலிலிருந்து விலகிய கதாநாயகி