ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
சின்னத்திரை நடிகையான ரோஜா ஸ்ரீ, சமீபகாலங்களில் வைரல் நாயகியாக இணையத்தை கலக்கி வருகிறார். அதற்கு காரணம் விஜய் டிவி நிகழ்ச்சியில் அவர் செய்த பெர்பார்மன்ஸும் தொடர்ந்து அது குறித்து பேட்டிகளில் அவர் செய்த ஆக்டிங்கும் தான். அந்நிகழ்ச்சியின் டீஜேவான ப்ளாக் என்பவரை காதலிப்பது போலவும், அது தோல்வியடைவது போலவும் வரிசையாக சேனல்களில் நடித்துக்காட்டி ஒருபுறம் கைதட்டல்களை பெற்று வருகிறார். ஆனால், மறுபுறம் ரோஜா ஸ்ரீயின் இந்த சேட்டைகள் சம்பந்தபட்ட நபரான டீஜே ப்ளாக்கிற்கு பிரச்னையாக வந்துள்ளது.
இதுகுறித்து அண்மையில் பேட்டி ஒன்றில் பேசியுள்ள டீஜே ப்ளாக், 'என்னுடைய வேலை அந்த நிகழ்ச்சியில் யார் வந்தாலும் பாட்டு போடுவதுதான். அதுபோல தான் ரோஜா ஸ்ரீக்கும் அவர் பெயரிலேயே பாட்டு போட்டேன். அது ஓரளவுக்கு நிகழ்ச்சிக்கு செட்டானது. அதேசமயம் அது தொடர்பான நிகழ்வுகள் தொடர்ந்து தவறாக சென்று கொண்டிருக்கிறது. ரோஜா ஸ்ரீ முதலில் பேட்டி கொடுக்கும் போது மகிழ்ச்சியாக இருந்தது. ஆனால், அடுத்தடுத்த பேட்டிகளில் லவ், ரிலேஷன்ஷிப், ப்ரேக்-அப் என தம்ப்னைல் வைத்து வேறுமாதிரி மாற்றிவிட்டனர். உண்மையை சொன்னால், ரோஜா எனக்கு ஒரு ஹாய் கூட சொல்லியது கிடையாது. ஆனால், பேட்டிகளில் தவறாக சித்தரிக்கப்பட்டு வருகிறது. எனக்கு வீட்டில் பெண் பார்த்து கொண்டிருக்கிறார்கள். அப்படியிருக்க இந்த விஷயம் என்னுடைய குடும்பத்தில் மனஸ்தாபத்தை ஏற்படுத்தியுள்ளது. நான் நிகழ்ச்சிக்காக மட்டும் தான் அப்படி செய்தேனே தவிர எனக்கும் ரோஜா ஸ்ரீக்கும் எந்த சம்பந்தமும் கிடையாது' என கூறியுள்ளார்.