‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
கோலிவுட், டோலிவுட் என இரண்டு சினிமா உலகத்திலும் சமந்தா, நாக சைதன்யா தம்பதியரைப் பற்றிய செய்திகள்தான் அடிக்கடி இடம் பெற்று வருகின்றன. இருவரும் பிரிய உள்ளதாக, பிரிந்துவிட்டதாக, விரைவில் விவாகரத்து என விதவிதமான செய்திகள் வந்து கொண்டிருக்கின்றன.
அவற்றிற்கு இன்னும் எண்ணெய் ஊற்றுவது போல சில சம்பவங்களும் நடக்கின்றன. சமீபத்தில் நாக சைதன்யா நடித்து நேற்று வெளிவந்துள்ள 'லவ் ஸ்டோரி' படத்தின் நிகழ்ச்சிக்கு ஆமீர் கான் சிறப்பு விருந்தினராகக் கலந்து கொண்டு சிறப்பித்தார்.
அவருக்கு ஐதராபாத்தில் நாகார்ஜுனா குடும்பத்தினர் விருந்து அளித்தனர். அதில் நாகார்ஜுனா, அவரது மனைவி அமலா, மகன்கள் நாக சைதன்யா, அகில் மற்றும் 'லவ் ஸ்டோரி' பட இயக்குனர் சேகர் கம்முலா, படத்தின் கதாநாயகி சாய் பல்லவி ஆகியோர் கலந்து கொண்டனர். அந்த விருந்தில் சமந்தா காணப்படவில்லை. அந்த புகைப்படங்கள் இப்போது சமூக வலைத்தளங்களில் பரவி சமந்தா, நாக சைதன்யா விவகாரத்திற்கு மேலும் ஒரு புது செய்தியாக வெளிவந்து கொண்டிருக்கின்றன.
ஆமீர்கான் நடித்து வரும் 'லால் சிங் சட்டா' என்ற படத்தில் அவருடன் நாக சைதன்யாவும் நடித்து வருகிறார் என்பது குறிப்பிட வேண்டிய ஒன்று.