பணத்தை விட கதையே முக்கியம் - ஈஷா ரெப்பா | நானி படத்தை தமிழ், தெலுங்கில் இயக்கும் ஞானவேல் | விஜய் பிறந்தநாளில் 69 வது படத்தின் அறிவிப்பு வெளியாகிறது | ஸ்டார் படத்தில் பத்து பாடல்கள் | வாடிவாசல், புறநானூறு படங்கள் உருவாகுமா? - சூர்யா சொன்ன தகவல் | தமிழுக்கு வரும் ஆதியா பிரசாத் | மீண்டும் இணைந்த 'ஜோ' ஜோடி | காந்தியின் வாழ்க்கை தொடரில் இணைந்த ஹாலிவுட் நடிகர்கள் | கமல் மீது தயாரிப்பாளர் சங்கத்தில் லிங்குசாமி புகார் | ‛கூலி'க்கு இளையராஜா அனுப்பிய நோட்டீஸ் : ரஜினி கருத்து |
மலையாளத்தில் சார்லி, ஒரு வடக்கன் செல்பி உள்ளிட்ட பல ஹிட் படங்களுக்கு ஒளிப்பதிவு செய்தவர் பிரபல ஒளிப்பதிவாளர் ஜோமோன் டி ஜான். தமிழில் சசிகுமார் நடித்த பிரம்மன் மற்றும் சமீபத்தில் வெளியான 'பாவ கதைகள்' ஆந்தாலாஜி படத்தில் சுதா கொங்கரா இயக்கிய தங்கம் ஆகிய படங்களுக்கு ஒளிப்பதிவு செய்த இவர், இந்தியிலும் மோஸ்ட் வான்டட் ஒளிப்பதிவாளராக இருக்கிறார்.
இவருக்கும் மலையாள நடிகை ஆன் அகஸ்டின் என்பவருக்கும் கடந்த 2014ல் திருமணம் நடைபெற்றது. இருவரும் காதலித்து திருமணம் செய்துகொண்டு ஆறு வருடங்களே ஆன நிலையில் தற்போது இருவரும் விவாகரத்து கேட்டு விண்ணப்பித்துள்ளனர். இந்த தகவலை ஜோமோனே சமீபத்தில் உறுதிப்படுத்தியுள்ளார். இதுகுறித்து விசாரிக்க, வரும் பிப்-9ஆம் தேதி ஆஜராகும்படி இவரது மனைவிக்கு நோட்டீஸ் அனுப்பியுள்ளது சேர்தலா குடும்ப நீதிமன்றம்.
மலையாள குணச்சித்திர நடிகரான மறைந்த அகஸ்டின் என்பவர் மகள் தான் இந்த ஆன் அகஸ்டின்.. சில படங்களிலும் நடித்துள்ளார். அந்த சமயத்தில் தான் ஜோமோன் டி.ஜானுக்கும் இவருக்கும் காதல் மலர்ந்தது. கடந்த 2013லேயே நிச்சயதார்த்தமும் நடந்தாலும். தனது காதலர் ஒரு தமிழ் படத்திலாவது பணியாற்றிய பிறகுதான் திருமணம் என்று பிடிவாதமாக நின்றார் ஆன் அகஸ்டின். அதன்படி, ஜோமோன் டி ஜான், பிரம்மன் படத்திலே பணியாற்றி முடித்ததும் தான், அவரை திருமணம் செய்துகொண்டார் என்பது இங்கே குறிப்பிடத்தக்கது...