தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் |
கமல்ஹாசன், ஸ்ருதிஹாசன் மற்றும் பலர் நடிக்க நடிகர் சங்க வளாகத்தில் மிகப் பிரம்மாண்டமாக ஆரம்பமான படம் 'சபாஷ் நாயுடு'. தமிழ், தெலுங்கு, ஹிந்தி என மூன்று மொழிகளில் ஒரே நேரத்தில் தயாரான படம். அமெரிக்காவில் மட்டும் ஒரு கட்டப் படப்பிடிப்பு நடந்து முடிந்தது. அதன் பின் கமல்ஹாசனுக்கு காலில் அடிபட்டு ஆபரேஷன் ஆனதால் தொடர்ந்து அப்படத்தின் படப்பிடிப்பைத் தள்ளி வைத்தனர். அதன் பின் அந்தப் படம் பற்றி எந்த சத்தத்தையும் காணோம். தொடர்ந்து அமைதியாகவே இருக்கிறது.
அதே சமயம் கமல்ஹாசன் சில வருடங்களுக்கு முன்பு தயாரித்து நிறுத்திய 'விஸ்வரூபம் 2' படத்தின் வேலைகளை முடித்து வருகிறார். இந்தப் படம் அடுத்த மாதம் அல்லது ஏப்ரல் மாதத்தில் வெளிவர வாய்ப்புள்ளது என்கிறார்கள். அடுத்து இன்று அவருடைய சொந்த நிறுவனத் தயாரிப்பில் 'தூங்காவனம்' படத்தை இயக்கிய ராஜேஷ் எம். செல்வா இயக்கத்தில் விக்ரம், அக்ஷ்ராஹாசன் நடிக்கும் புதிய படத்தைப் பற்றியும் கமல்ஹாசன் அதிகாரப்பூர்வமாக அறிவித்துள்ளார்.
ஆனால், 'சபாஷ் நாயுடு' படம் பற்றி கமல்ஹாசன் எதுவுமே சொல்லாமல் இருக்கிறார். 'தசாவதாரம்' அளவிற்கு 'சபாஷ் நாயுடு' படம் வெளிவரும் எனக் காத்திருக்கும் கமல் ரகிர்கள் தொடர்ந்து ஏமாந்து வருகிறார்கள். ஒன்றரை வருடங்களாக படப்பிடிப்பு நடைபெறாத 'சபாஷ் நாயுடு' படம் இனியும் தொடருமா என்பது கேள்விக்குறியாகவே உள்ளது.