விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு |
ஒரே கதையை 2 நிறுவனங்கள் படமாக தயாரிப்பது அந்த காலத்தில் வழக்கமாக இருந்தது. அது ஆரோக்கியமான போட்டியாகவும் இருந்தது. 1948ம் ஆண்டில் பிரபல தயாரிப்பாளர் ஜெமினி எஸ்.எஸ்.வாசன் ஞானசவுந்தரி என்ற படத்தை தயாரித்தார். இது ஒரு கிறிஸ்தவ காதல் கதை. எம்.கே.ராதாவும், சுசீலா என்ற புதுமுக நடிகையும் நடித்தனர். முருகதாசா என்பவர் இயக்கினார். இதே நேரத்தில் சிட்டாடல் என்ற நிறுவனம் இதே கதையை ஞானசவுந்தரி என்ற பெயரில் தயாரித்தது. டி.ஆர்.மகாலிங்கம், எம்.வி.ராஜம்மா நடித்தனர். எப்.நாகூர் மற்றும் ஜோசப் தலியத் இயக்கினார்கள். ஒரே டைட்டில், ஒரே கதை இரண்டு படங்களாக தயாரானது.
ஒரு மாத இடைவெளியில் இரண்டு படங்களும் வெளிவந்தது. பிரமாண்ட படத் தயாரிப்பு நிறுவனமான ஜெமினி நிறுவனம் தயாரித்த படம் பெரும் தோல்வி அடைந்தது. சிறிய நிறுவனமான சிட்டாடல் என்ற நிறுவனம் தயாரித்த படம் வெற்றி பெற்றது. இந்த தோல்வி தயாரிப்பாளர் வாசனை அதிர்ச்சி அடைய வைத்தது.
சிட்டாடல் ஞானசவுந்தரியின் வெற்றிக்கு காரணம் கிறிஸ்தவ காதல் கதையை கிறிஸ்தவர்களே இயக்கியதால் அது நேட்டிவிட்டியாக இருந்தது. ஜெமினி நிறுவனம் தயாரித்த படத்தில் நாயகியின் நெற்றில் சிலுவை திலகமிட்டது உள்பட கிறிஸ்தவ கலாச்சாரத்தில் இல்லாத விஷயங்கள் சேர்க்கப்பட்டது. அதோடு சிட்டாடல் படத்தில் நடித்த டி.ஆர்.மகாலிங்கம் அப்போது சூப்பர் ஸ்டாராக இருந்தார்.
ஜெமினியின் ஞான சவுந்தரி தோல்வி அடைந்தாலும் வாசன் மீதுள்ள மரியாதை காரணமாக ஜெமினி ஞானசவுந்தரியை வெற்றி படம் மாதிரி காட்டிக் கொள்ள தியேட்டர்காரர்கள் முன்வந்தார்கள். ஆனால் தோல்வியை ஒப்புக் கொண்ட எஸ்.எஸ்.வாசன் இனி எந்தக் காலத்திலும் இந்தப் படம் எந்த தியேட்டரிலும் ஓடக்கூடாது என்று படப் பெட்டியை தீயிட்டு கொளுத்த உத்தரவிட்டார்.