‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
இந்த ஆண்டில் முதன் முறையாக இந்த வாரம் 9 நேரடி தமிழ் படங்கள் வெளியாகி உள்ளன. தமிழ் சினிமாவில் திரைப்படங்களின் வெற்றி குறைந்து விட்டது. தியேட்டர்கள் குறைந்து விட்டது, தியேட்டருக்கு வந்து படம் பார்க்கிறவர்கள் குறைந்து விட்டார்கள், திருட்டு விசிடி பெருகி விட்டது. மக்கள் செல்போனில் படம் பார்க்க ஆரம்பித்து விட்டார்கள். ஆனாலும் சினிமா தாயாரிப்பும் வெளியீடும் குறையவில்லை.
ஒரு வாரத்திற்கு இரண்டு சிறு பட்ஜெட் படங்களும், ஒரு பெரிய பட்ஜெட் படமும், ஒரு டப்பிங் படமும்தான் வெளிவர வேண்டும் என்று தயாரிப்பாளர் சங்கம் தீர்மானம் நிறைவேற்றியது. ஆனால் அது கடைசிவரை செயல்பாட்டுக்கு வரவில்லை. அந்த தீர்மானத்தை முன்மொழிந்து கையெழுத்து போட்டவர்களே அதனை மீறியதுதான் பெரிய கொடுமை,
தயாரிப்பாளர் சங்கத் தேர்தல் சூடுபிடித்துள்ள நிலையில் இந்த வாரம் பாபி சிம்ஹா, கீர்த்தி சுரேஷ் நடித்த பாம்பு சட்டை, நட்டி சஞ்சிதா ஷெட்டி நடித்துள்ள எங்கிட்ட மோதாதே. ஆர்கே, நீது சந்திரா நடித்த வைகை எக்ஸ்பிரஸ், விஜய்மில்டன் இயக்கத்தில் சூர்யா வெளியிடும் கடுகு போன்ற நடுத்தர பட்ஜெட் படங்கள் வெளிவந்துள்ளன. இது தவிர அரசகுலம், 1.ஏஎம், 465, தாயம், சாந்தன் ஆகிய படங்களும் வெளிவந்துள்ளன. மொத்தம் 9 படங்கள், லைஃப் என்ற ஆங்கில டப்பிங் படத்தையும் சேர்த்தால் 10 படங்கள்.
தமிழ்நாட்டில் மொத்தம் 1280 தியேட்டர்கள்தான் உள்ளன. இதில் 850 தியேட்டர்கள் தான் புதிய படங்களை வெளியிடுகிறவை. இன்று வெளிவந்திருக்கும் இந்த 10 படங்களுக்கு தியேட்டரை பங்கிட்டால் ஒரு படத்துக்கு 85 தியேட்டர்கள் தான் கிடைக்கும். ஆனால் கடுகு படம் 300 தியேட்டரிலும், பாம்பு சட்டை 300 தியேட்டரிலும், வைகை எக்ஸ்பிரஸ் 200 தியேட்டரிலும் எங்கிட்ட மோதாதே 250 தியேட்டரிலும் வெளிவந்துள்ளன. மற்ற படங்கள் 50க்கும் குறைவான தியேட்டர்களில் தான் வெளிவந்திருக்கிறது. அதுவும் ஒரே தியேட்டரில் இரண்டு படங்கள் வெளிவருவதால்தான் இந்த அளவிற்காவது சமாளிக்க முடிந்திருக்கிறது. புதிதாக வரும் தயாரிப்பு சங்க நிர்வாகிகளாவது இதற்கு ஒரு நிரந்தர தீர்வு கொண்டு வருவார்களா என்பதை பொறுத்திருந்துதான் பார்க்க வேண்டும்.