Dinamalar

சிவாஜி கணேசன் மணிமண்டபம் கட்டுமான பணி தொடங்கியது

நடிகர் திலகம் சிவாஜி கணேசன் மறைந்த பிறகு அவருக்கு மணிமண்டபம் கட்ட வேண்டும் என்று பல்வேறு தரப்பினர் கோரிக்கை வைத்தனர். இதனை ஏற்று அப்போது முதல்வராக இருந்த ஜெயலலிதா 2002ம் ஆண்டு சென்னை அடையாறு சத்யா ஸ்டூடியோ எதிரில் 62 செண்ட் நிலம் ஒதுக்கி கொடுத்தார். தாங்களே மணி மண்டபத்தை கட்டிக் கொள்வதாக அப்போதைய நடிகர் சங்கத் தலைவர் விஜயகாந்த் அறிவித்தார். தென்னிந்திய நடிகர் சங்கம் அதற்கு பூமி பூஜையும் நடத்தியது.

அடையாறு சாலையில் இருந்து மணிமண்டபம் கட்டப்படும் இடத்திற்கு இணைப்பு சாலை அமைக்க 4 லட்சம் செலவாகும் அதை முதலில் அமையுங்கள் என்று அரசு சொன்னது. அதற்கு நடிகர் சங்கம் எங்களால் அவ்வளவு செலவு செய்ய முடியாது இரண்டு லட்சம் தருகிறோம் என்றது. அதனால் கூடுதலாக இரண்டு லட்சத்தை அரசே செலவு செய்து இணைப்பு சாலை அமைத்தது.

அதன்பிறகு சிவாஜி மணிமண்டம் அமைக்க நடிகர் சங்கம் ஒரு துரும்பைகூட அசைக்கவில்லை. சிவாஜி ரசிகர் மன்றம் உள்ளிட்ட பல அமைப்புகள் இதற்கான போராட்டங்களை நடத்தி வந்தது. இந்த நிலையில் கடந்த ஆண்டு மறைந்த முதல்வர் ஜெயலலிதா, அரசே சிவாஜிக்கு மணிமண்டபம் கட்டும் என்று அறிவித்து அதற்காக 2கோடியே 80 லட்சம் நிதி ஒதுக்கினார்.

இந்த பட்ஜெட்டுக்கு சிவாஜி மணிமண்டபம் பிரமாண்டமாக கட்ட முடியாது. அதனால் பொதுப்பணித்துறை 9 செண்ட் இடத்தில் 2 ஆயிரத்து 124 சதுர அடியில் மணிமண்டபம் கட்டும் பணியை தொடங்கி உள்ளது. இந்த மணி மண்டபம் நான்கு வாயில்களை கொண்டதாக இருக்கும். அதன் நடுவில் உள்ள மாடத்தில் தற்போது மெரீனா கடற்கரை சாலையில் உள்ள சிவாஜி சிலை வைக்கப்படுகிறது. பக்கவாட்டில் சிவாஜி வரலாற்றை சொல்லும் புகைப்பட கண்காட்சி வைக்கப்படுகிறது. உள்ளே அமையும் கல்வெட்டில் சிவாஜி நடித்த படங்களில் பட்டியல் பொறிக்கப்படுகிறது மணி மண்டபத்தை சுற்றி புல்வெளி மைதானமும், வாகன நிறுத்தமும் கட்டப்படுகிறது. நடிகர் சங்கம் தன் பங்கிற்கு என்ன செய்யப்போகிறது என்று தெரியவில்லை. (மேலே உள்ள படம் சிவாஜி மணிமண்டபத்தின் மாதிரி வரைபடம்)

• 
  போஜ்புரி நடிகை தற்கொலை : இறப்புக்கு முன் வெளியிட்ட பதிவு
• 
  துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத்
• 
  மகளுடன் இணைந்து நடிக்கும் ஷாரூக்கான்
• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்

• 
  ‛ஆனந்த ராகம்...' பாடிய பின்னணி பாடகி உமா ரமணன் காலமானார்
• 
  ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா
• 
  இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த்
• 
  100 கிலோ எடை தூக்கிய ராஷ்மிகா மந்தனா
• 
  நடிகை பிரக்யா நக்ராவை திருமணம் செய்தாரா ஜெய்?