உடல் எடையை குறைத்த அதர்வா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

13 டிச, 2016 - 03:30 IST

எழுத்தின் அளவு:

Atharva-reduces-his-weight-for-college-student

மறைந்த நடிகர் முரளியின் வாரிசு அதர்வா. பாணா காத்தாடி படத்தின் மூலம் தமிழ் சினிமாவில் ஹீரோவாக அறிமுகமான அதர்வா, பாலாவின் பரதேசி படத்தின் மூலம் பேசப்படும் நடிகரானார். தற்போது அவர் கைவசம் செம போத ஆகாத, இமைக்கா நொடிகள் உள்ளிட்ட அரை டஜன் படங்கள் உள்ளன. அடுத்தப்படியாக அதர்வா, புதியவர் பர்னேஷ் இயக்கும் படத்தில் நடிக்க உள்ளார். இவர் இயக்குநர் பா.ரஞ்சித்திடம் உதவி இயக்குநராக பணியாற்றியவர்.

கல்லூரி மாணவர்களின் பின்னணியில் உருவாக உள்ள இப்படம் ஒரு உண்மை சம்பவத்தை அடிப்படையாக கொண்டு எடுக்கப்பட இருக்கிறது. இன்னும் பெயரிடப்படாத இப்படத்தில் அதர்வா, கல்லூரி மாணவராக நடிக்கிறார். ஏற்கனவே இரும்புக்குதிரை, ஈட்டி படங்களுக்காக உடலை சிக்ஸ்பேக்காக மாற்றி வைத்திருக்கும் அதர்வா, இந்த கல்லூரி மாணவர் வேடத்திற்காக தனது உடல் எடையை இன்னும் குறைத்துள்ளார்.

2003-2005 காலக்கட்டத்தில் கதை நகருவது போன்று படம் உருவாக்கப்பட இருக்கிறது. அதர்வாவுடன் ‛அஞ்சாதே' நரேன், பிரஷாந்த்தின் தந்தையும், நடிகருமான தியாகராஜன் ஆகியோரும் முக்கியமான ரோலில் நடிக்க உள்ளனர். நரேன், அதர்வாவின் மாமாவாகவும், தியாகராஜன் லோக்கல் தாதாவாகவும் நடிக்க உள்ளார்கள். இம்மாதம் முதல் படப்பிடிப்பு ஆரம்பமாக இருக்கிறது. சேலம், சென்னை உள்ளிட்ட பல ஊர்களில் படப்பிடிப்பு நடைபெற இருக்கிறது.

atharva

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய