ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
எய்ட்ஸ் நோயால் பாதிக்கப்பட்ட குழந்தைகளின் நலனுக்காக நிதி திரட்ட ஜஸ்ட் கிரிக்கெட் என்ற பெயரில் கிரிக்கெட் போட்டி நடத்தப்பட்டது. கடந்த மாதம் 27ந் தேதி தொடங்கிய இந்தப் போட்டியில் 32 அணிகள் கலந்து கொண்டு விளையாடியது. இதன் இறுதி போட்டி நேற்று நந்தனம் ஒய்.எம்.சி.ஏ மைதானத்தில் நடந்தது.
இதில் திரைப்படத் தயாரிப்பாளர் ஆர்.கே.சுரேஷ் மற்றும் இயக்குனர்கள் வி.இசட்.துரை, மீரா கதிரவன் ,நடிகர்கள் ஷாம்,பரத், ஸ்ரீகாந்த், பிரசன்னா, நரேன், போஸ் வெங்கட், ரமணா, அசோக், சந்தோஷ், பிரஜன், கோலிசோடா கிஷோர், மாஸ்டர் மகேந்திரன், தீனா மற்றும் நடிகைகள் சினேகா, சங்கீதா , தொலைக்காட்சி தொகுப்பாளர்கள் தியா ஆகியோர் சிறப்பு விருந்தினர்களாக கலந்து கொண்டனர் . மேலும் இயக்குனர் வெங்கட் பிரபுவின் "சென்னை 28" படக்குழுவும், பழைய வண்ணாரப்பேட்டை படக்குழுவும், விழித்திரு படக்குழுவும் கலந்து கொண்டு போட்டியை உற்சாகப்படுத்தினர்.
இந்நிகழ்வில் சினேகாவும் பங்கேற்று கிரிக்கெட் விளையாடி வந்திருந்த நூற்றுக்கும் மேற்பட்ட குழந்தைகளை உற்சாகப்படுத்தினார். இயக்குனர் வெங்கட் பிரபுவும் அவரது சென்னை 28 படக்குழுவும் வெற்றிபெற்ற எப்சிசி அணியோடு கிரிக்கெட் விளையாடினார். அனைத்து பிரபலங்களும் இணைந்து ரூபாய் 25 ஆயிரத்துக்கான முதல் பரிசை வழங்கினர். இரண்டாம் பரிசை சீ ஹார்ஸ் அணியும் தட்டிச் சென்றது. அவர்களுக்கு 15 ஆயிரம் ரூபாய் பரிசு வழங்கப்பட்டது. இதற்கான ஏற்பாடுகளை தயாரிப்பாளர்கள் ஆர்.கே.சுரேஷ், நாசர் அலி ஆகியோர் செய்திருந்தனர்.