ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
90களில் முன்னணி கதாநாயகியாக இருந்தர் தேவயானி. கமல்ஹாசன், விஜயகாந்த், சரத்குமார், அஜித், விஜய் உள்ளிட்ட பல முன்னணி கதாநாயகர்களுடன் ஜோடியாக நடித்திருக்கிறார். அதன் பின்னர் தன்னை வைத்து 'விண்ணுக்கும் மண்ணுக்கும்' படத்தை இயக்கிய ராஜகுமாரனை காதலித்து திருமணம் செய்து கொண்டார். பின்னர் கொஞ்சம் கொஞ்சமாக திரைப்படங்களில் நடிப்பதை குறைத்துக் கொண்டார். அடுத்து தொலைக்காட்சித் தொடர் ஒன்றில் நடித்து சின்னத் திரையிலும் புகழ் பெற்றார். தற்போது சென்னையில் உள்ள பிரபல தனியார் பள்ளி ஒன்றில் ஆசிரியையாக பணியாற்றி வருகிறார்.
கடந்த ஆண்டு வெளிவந்த 'சகாப்தம், ஸ்ட்ராபெர்ரி' ஆகிய படங்களிலும் நடித்திருந்தார். தற்போது மீண்டும் திரைப்படத்தில் நடிக்க உள்ளார். ஆனால், இந்த முறை நடிக்கப் போவது தமிழில் அல்ல, தெலுங்கில். ஜுனியர் என்டிஆர், சமந்தா, மோகன்லால் மற்றும் பலர் நடிக்க உருவாக உள்ள 'ஜனதா காரேஜ்' படத்தில் தேவயானி, மோகன்லால் ஜோடியாக நடிக்க உள்ளாராம். மோகன்லால் ஜோடியாக நீண்ட இடைவெளிக்குப் பிறகும், 13 வருடங்களுக்குப் பிறகு ஒரு தெலுங்குப் படத்திலும் நடிக்க உள்ளார் என்பது குறிப்பிடத்தக்கது.