கல்யாணத்துக்கு இன்னும் ரெடியாகவில்லை: விஷால்

14 ஜன, 2016 - 07:04 IST

0 கருத்துகள் கருத்தைப் பதிவு செய்ய

எழுத்தின் அளவு:

கதகளியின் என்ன ஸ்பெஷல்?

இயக்குனர் பாண்டிராஜ் உடன், முதன் முறையாக இணைகிறேன். இது, ஒரு த்ரில்லர் படம். உண்மை சம்பவத்தை படமாக்கியிருக்கோம். ஒரு போன் அழைப்பு, ஒரு மனிதனை எப்படி புரட்டி போடுகிறது என்பது தான், இந்த படத்தின் மையக் கருத்து. பாட்டே இல்லாமல், இசை கோர்ப்பு படத்தை துாக்கி நிறுத்தியிருக்கு; இது தான் கதகளி ஸ்பெஷல்.

கேத்ரின் கூட 'கெமிஸ்ட்ரி' எப்படி இருந்தது?

ஸ்கிரீன்ல எந்த ஆர்ப்பாட்டமும் இல்லாத ஒரு காதல் ஜோடியாக நாங்கள் தெரிவோம். காதல் காட்சிகள் கூட இயல்பா இருக்கும். கேத்ரின், பார்க்கவே ரொம்ப அழகான நடிகை. கதை தான் படத்தின் பிரதானம். இந்த கதைக்கு, கேத்ரின் பொருத்தமான நடிகை.

உங்க கல்யாணம் எப்போது?

கல்யாணத்துக்கு, நான் இன்னும் ரெடியாகவில்லை என்பது தான் உண்மை. என் வாழ்க்கையை மாற்றும் அளவுக்கு முக்கியமான விஷயம் திருமணம். கணவன் என்பது சாதாரண பொறுப்பல்ல; கூடுதல் கவனம் செலுத்த வேண்டியிருக்கும். அதனால், இப்போதைக்குதிருமணம் செய்யும் ஐடியா இல்லை.

ஆனால், உங்கள் திருமணம் தான் முதலில் நடக்கும் என்கிறாரே ஆர்யா?

இப்ப கூட எழுதி வச்சுக்குங்க; ஆர்யா திருமணம் தான் முதலில் நடக்கும். ஏனென்றால், அவனை இதுக்கு மேலா வச்சிருந்தால், சமுதாயம் தாங்காது. சீக்கிரம் திருமணம் செய்து வைக்கிறது, ரொம்ப நல்லது. எனக்கு தெரிந்து, இந்த வருஷத்தில், ஒரு முடிவுக்கு வந்திடுவான்.

நடிகர் சங்கம் பொறுப்புக்கு வந்த பின், நீங்கள் மாறிய விஷயங்கள்?

மூன்று ஆண்டுகளுக்குள், நாங்கள் கூறியதை எல்லாம் செய்து முடிக்க வேண்டும் என்ற உறுதி எடுத்து உள்ளேன். மற்றொரு பக்கம், தொழிலிலும் கவனமாக இருக்கிறேன். பார்ட்டி, சொகுசு வாழ்க்கைக்கு முற்றுப்புள்ளி வைத்து விட்டேன். ஆர்யாவுடனும், மற்ற நண்பர்களுடனும், வாரம் ஒரு முறை சந்திக்கிறேன். ஒரு நல்ல டீம் கிடைச்சிருக்கு, செய்யவேண்டியது நிறைய இருக்கு.

am not ready for marriage: vishal

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய