‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
பாலிவுட்டின் சூப்பர் ஸ்டார் ஷாரூக்கானுக்கு மோசமான நடிகர் விருது வழங்கப்பட்டுள்ளது. அதேபோல் மோசமான நடிகைக்கான விருது சோனம் கபூருக்கு வழங்கப்பட்டுள்ளது.
ஹாலிவுட்டை போல் பாலிவுட்டிலும் கோல்டன் கேலா என்ற கிண்டல் விருது கடந்த மூன்று ஆண்டுகளாக வழங்ப்பட்டு வருகிறது. அதேபோல் இந்தாண்டும் இவ்விருது வழங்கும் விழா கடந்த சனிக்கிழமையன்று மும்பையில் நடைபெற்றது. இதில் பாலிவுட்டின் மிக மோசமான நடிகருக்கான விருது, நடிகர் ஷாரூக்கானுக்கு வழங்கப்பட்டுள்ளது. மை நேம் இஸ் கான் என்ற படத்திற்காக அவருக்கு இந்த விருது கிடைத்துள்ளது. மிக மோசமான படத்துக்கான விருது மை நேம் இஸ் கான் படத்திற்கு கிடைத்துள்ளது.
அதேபோல் பாலிவுட்டின் மிக மோசமான நடிகைக்கான விருது ஆயிஷா படத்தில் நடித்த சோனம் கபூருக்கும், மோசமான இயக்குநருக்கான விருது குஜாரிஷ் படத்தை இயக்கிய சஞ்சய் லீலா பன்சாலிக்கும் கிடைத்தது. மோசமான துணை நடிகருக்கான விருதை அர்ஜூன் ராம்பாலும், மோசமான துணை நடிகைக்கான விருதை கங்கனா ரனவத்தும் பெற்றனர். இயக்குநர் ராம்கோபால் வர்மாவுக்கு இனி நீங்கள் படம் இயக்கியது போதும் என்ற விருது கிடைத்தது.