ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
கமல்ஹாசன் தயாரிப்பில், அவரே பாடல் வரிகள் எழுத உருவாகி உள்ள இசை ஆல்பம் ‛இனிமேல்'. கமலின் மகளும் நடிகையுமான ஸ்ருதிஹாசன் ஆல்பத்திற்கு இசையமைத்து பாடி, நடித்துள்ளார். அவருடன் இயக்குனர் லோகேஷ் கனகராஜூம் நடித்துள்ளார். ஏற்கனவே இந்தபாடலுக்கான முன்னோட்டம் வெளியானது. அதில் லோகேஷ், ஸ்ருதி இருவரும் அவ்வளவு நெருக்கமாக நடித்தனர்.
இதை வைத்து நிறைய மீம்ஸ்களும், விமர்சனங்களும் வந்தன. குறிப்பாக லோகேஷை குறிப்பிட்டு நடிகை காயத்ரி, ‛‛உங்க படத்துல ஹீரோயின் ரொமான்ஸ் செய்தால் தலையை வெட்டுவீங்க ஆனா நீங்கள்... என்ன லோகேஷ் இது'' என கலாய்த்து இருந்தார்.
இந்நிலையில் இந்த ஆல்பம் இன்று வெளியிடப்பட்டது. இந்தக்காலத்து ஆண் - பெண் இடையே ஏற்படும் காதல், அவர்களுக்கு இடையேயான ரொமான்ஸ், நெருக்கம், திருமணம் பின்னர் துவங்கும் சிறுசிறு மோதல்கள் பெரிதாக மாறி பிரிவது மாதிரியான காட்சிகளை உள்ளடக்கி இந்த ஆல்பம் எடுக்கப்பட்டுள்ளது. லோகேஷ், ஸ்ருதி இருவரும் இயல்பாய் நடித்துள்ளனர். ஆங்கிலம் கலந்த தமிழ் உடன் ஸ்ருதியின் ஸ்டைலான குரல் தனித்துவமாக தெரிகிறது.