சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
இந்திய இசையுலகம் மட்டுமல்லாது உலகத்தில் உள்ள இசையுலகினரும் ஆச்சரியப்படும் அளவிற்கு ஆயிரத்தைத் தாண்டிய படங்கள், பல்லாயிரக்கணக்கான பாடல்கள் என இன்றும் ரசிக்கப்படுபவர், கொண்டாடப்படுபவர் இசையமைப்பாளர் இளையராஜா.
சினிமாவில் பல்வேறு கலைஞர்களின் பயோபிக், அதாவது வாழ்க்கை வரலாற்றுப் படங்களை இன்னும் உருவாக்காமல் இருக்கிறார்கள். இளையராஜாவின் பயோபிக் படம் வருவது அவரது ரசிகர்களுக்கு மட்டுமல்லாது அவரது இசையை ரசிக்கும் அனைவருக்குமே விருப்பமான ஒன்றுதான்.
ஆனால், அதையும் தாண்டி இன்றைய சினிமா ரசிகர்கள் ஒரு கேள்வியை முன் வைக்கிறார்கள். இன்று அதிகாரப்பூர்வமாக அறிவிக்கப்பட்ட இளையராஜாவின் பயோபிக் படமான 'இளையராஜா' படத்தை இயக்கப் போவது அருண் மாதேஸ்வரன். பொங்கலுக்கு வெளியான 'கேப்டன் மில்லர்' படத்தின் இயக்குனர். இந்தப் படம் மற்றும், இதற்கு முன்பு அவர் இயக்கிய 'சாணி காயிதம், ராக்கி' ஆகிய படங்களை இயக்கியவர்.
அருண் இயக்கிய மூன்று படங்களுமே ரத்தம் தெறிக்கத் தெறிக்க எடுக்கப்பட்ட வன்முறைப் படங்கள். அப்படிப்பட்ட படங்களை இயக்கியவர் இசையால் நம்மை எப்போதும் தாலாட்ட வைக்கும் இளையராஜாவின் பயோபிக்கை எப்படி எடுப்பார் என்ற விமர்சனங்களையும் முன் வைக்கிறார்கள்.
இளையராஜாவின் தீவிர ரசிகரான தனுஷ், இளையராஜா கதாபாத்திரத்தில் நடிப்பது குறித்து யாரும் விமர்சிக்கவில்லை. அதே சமயம், அருண் மாதேஸ்வரன் இயக்குவது குறித்துதான் பல்வேறு கருத்துக்களும் சமூக வலைத்தளங்களில் வலம் வந்து கொண்டிருக்கின்றன.
அவற்றிற்கெல்லாம் பதிலடி கொடுக்குமளவிற்கு அருண் மாதேஸ்வரன் இந்த 'இளையராஜா' படத்தைக் கொடுக்க வேண்டும்.