சல்மான்கானுக்கு ஜோடியாகும் ராஷ்மிகா மந்தனா | மேஜையை கண்டு பொறாமைப்பட்ட கமல் | பிறந்தநாளில் மதுரையில் பிரம்மாண்ட மாநாடு நடத்தும் விஜய்? | தெலுங்கில் ரீ-ரிலீஸ் ஆகும் விக்ரமின் அந்நியன் | மம்முட்டிக்கு கொடுக்கப்பட்ட எக்ஸ்ட்ரா பவர் | படம் வெளியாவதற்கு முன்பே மறைந்த சங்கீத் சிவன் | மஞ்சும்மேல் பாய்ஸ் படத்தில் சொல்லப்பட்டது உண்மையா? - விசாரிக்க தமிழக அரசு உத்தரவு | அந்த மூணு சர்ப்ரைஸை தயவு செய்து சொல்லாதீங்க : இளன் வேண்டுகோள் | நயன்தாராவின் ‛மண்ணாங்கட்டி' படப்பிடிப்பு நிறைவு | ஆகஸ்ட் மாதத்திற்கு தள்ளிப் போகிறதா இந்தியன் 2? |
பாகுபலி படத்தின் மூலம் பிரபலமானவர் நடிகர் ராணா. அதைத்தொடர்ந்து அவரைப் பெரிய அளவில் முன்னணி நடிகராக உயர்த்தி பிடிக்கும் அளவிற்கு அவருக்கு படங்கள் எதுவும் அமையவில்லை. அதனால் வெப்சீரிஸ் பக்கமும் தனது கவனத்தை திரும்பிய ராணா கடந்த வருடம் வெளியான 'ராணா நாயுடு' என்கிற வெப்சீரிஸில் நடித்தார். இதில் இவருடன் நடிகர் வெங்கடேஷும் இன்னொரு முக்கிய கதாபாத்திரத்தில் இணைந்து நடித்திருந்தார். சுபன் வர்மா என்பவர் இயக்கியிருந்தார்.
இந்த வெப் சீரிஸில் அதிகப்படியான கெட்ட வார்த்தைகள் பேசப்பட்டதற்காக கடுமையான விமர்சனங்களை இந்த வெப்சீரிஸ் வெளியான சமயத்தில் சந்தித்தது. ஆனாலும் ஓரளவுக்கு வரவேற்பையும் பெற்றது. இந்த நிலையில் வரும் மார்ச் 25ம் தேதி இந்த வெப் சீரிஸில் இரண்டாவது சீசன் படப்பிடிப்பு துவங்க இருப்பதாக தகவல் வெளியாகி உள்ளது. தற்போது ரஜினிகாந்த் நடித்து வரும் வேட்டையன் படத்தின் படப்பிடிப்பில் ராணா இணைந்து நடித்து வருகிறார். இதனை முடித்துக் கொடுத்துவிட்டு 'ராணா நாயுடு-2' படப்பிடிப்பில் இணைய உள்ளார் என்று சொல்லப்படுகிறது.