Dinamalar

இரண்டு இயக்குனர்களுக்கு மீண்டும் வாய்ப்பு தரும் சிவகார்த்திகேயன்?

தமிழ் சினிமாவில் இருந்து விஜய் விலகினால் அவருடைய இடத்தைப் பிடிக்க இங்கு கடுமையான போட்டி இருக்கும். அந்த இடத்தை நோக்கி எப்படியாவது முன்னேற வேண்டும் என சிவகார்த்திகேயன் செயல்பட்டு வருகிறார் என கோலிவுட் வட்டாரங்களில் பேசிக் கொள்கிறார்கள்.

கமல்ஹாசன் தயாரிப்பில் 'அமரன்', ஏஆர் முருகதாஸ் இயக்கத்தில் சிவகார்த்திகேயனின் 23வது படம் ஆகியவை அதற்கு ஒரு சான்று என்றும் சொல்கிறார்கள். இதற்கடுத்து தனது அடுத்தடுத்த படங்களை சிவகார்த்திகேயன் இப்போதே முடிவு செய்துவிட்டாராம்.

சிவகார்த்திகேயனின் 24வது படமாக வெங்கட் பிரபு இயக்க உள்ள படம் உருவாகலாம். அதற்கடுத்து 'டான்' படத்தை இயக்கிய சிபிச்சக்கரவர்த்தி இயக்கத்தில் ஒரு படம், 'அயலான்' படத்தை இயக்கிய ரவிக்குமார் இயக்கத்தில் ஒரு படம் என லைன்-அப் உள்ளதாம்.

'டான்' படம் சிவகார்த்திகேயனுக்கு 100 கோடி வசூலைப் பெற்றுத் தந்த ஒரு படம். அதன் இயக்குனர் சிபிசக்கரவர்த்திக்கு கடந்த இரண்டு வருடங்களாக படம் இயக்க வேறு எந்த நாயகனும் கிடைக்கவில்லையாம். அதனால், அவருக்கு வாய்ப்பு என்கிறார்கள்.

'அயலான்' பட வெளியீட்டில் தாமதம் இருந்ததால் அதன் இயக்குனர் ரவிக்குமாருக்கு உறுதியளித்தபடி படம் நடித்துத் தருகிறேன் என்று ஏற்கெனவே சொல்லியிருக்கிறார் சிவகார்த்திகேயன். அந்தப் படத்தையும் பிரம்மாண்டமாகவே எடுக்க உள்ளார்களாம். இதற்கான அறிவிப்புகள் படங்கள் ஆரம்பமாகும் போது அதிகாரப்பூர்வமாக வெளியிடப்படுமாம்.

• 
  ஐஸ்வர்யா ராய்க்கு விரைவில் கையில் ஆபரேஷன்
• 
  தேர்தலில் வெற்றி பெற்றால் சினிமாவுக்கு முழுக்கு : கங்கனா அறிவிப்பு
• 
  மே 31ல் ரிலீஸாகும் ‛மல்ஹர்' திரைப்படம்
• 
  எலெக்ஷனால் தள்ளிப்போகும் 'எமெர்ஜென்சி'
• 
  கையில் கட்டுடன் கேன்ஸ் புறப்பட்ட ஐஸ்வர்யா ராய்

• 
  தங்கலான் படம் ரிலீஸ் பற்றிய புதிய தகவல்
• 
  மே.29ல் வெளியாகும் ‛மழை பிடிக்காத மனிதன்' பட டீசர்
• 
  ஆகஸ்ட்டில் துவங்கும் ஜூனியர் என்.டி.ஆர் - பிரசாந்த் நீல் படப்பிடிப்பு
• 
  கல்கி 2898 ஏடி - ரோபோவுக்கு டப்பிங் கொடுத்த கீர்த்தி சுரேஷ்
• 
  விஜய்க்கு ஜோடியாகும் சூர்யா பட நாயகி