ஐஸ்வர்யா ராய்க்கு விரைவில் கையில் ஆபரேஷன் | தங்கலான் படம் ரிலீஸ் பற்றிய புதிய தகவல் | மே.29ல் வெளியாகும் ‛மழை பிடிக்காத மனிதன்' பட டீசர் | ஆகஸ்ட்டில் துவங்கும் ஜூனியர் என்.டி.ஆர் - பிரசாந்த் நீல் படப்பிடிப்பு | கல்கி 2898 ஏடி - ரோபோவுக்கு டப்பிங் கொடுத்த கீர்த்தி சுரேஷ் | விஜய்க்கு ஜோடியாகும் சூர்யா பட நாயகி | திருவண்ணாமலை கோயிலில் நடிகை ரோஜா வழிபாடு | இனி, மாதம் ஒரு பெரிய படம் ரிலீஸ் உறுதி… | வெற்றிக் கோட்டைத் தொடுவாரா 'பி.டி. சார்' | சூரி பட விழாவிற்கு வரும் விஜய் சேதுபதி, சிவகார்த்திகேயன் |
'ரங்கோலி' படத்தை இயக்கிய வாலி மோகன்தாஸ் இயக்கத்தில், எஸ்.ஆர் புரொடக்ஷன்ஸ் தயாரிப்பில் மலையாள நடிகர் ஷேன் நிகம் நடிக்கும் படம் 'மெட்ராஸ்காரன்'. மலையாளத்தில் புகழ்பெற்ற கும்பளாங்கி நைட்ஸ், ஆர்டிஎக்ஸ், இஷ்க் படங்களில் நடித்து புகழ்பெற்ற ஷேன் நிகம், இப்படம் மூலம் தமிழில் நாயகனாக அறிமுகமாகிறார். கலையரசன் முக்கியமான கதாபாத்திரத்தில் இணைந்து நடிக்கிறார். சென்னை, மதுரை, கொச்சி ஆகிய இடங்களில் ஒரே கட்டமாக ஷூட்டிங்கை நடத்தி முடிக்க, படக்குழு திட்டமிட்டுள்ளது.
படத்தின் நாயகியாக நிஹாரிகா நடிக்கிறார். இது அதிகாரபூர்வமாக அறிவிக்கப்பட்டுள்ளது. நிஹாரிகா 2018ம் ஆண்டு விஜய்சேதுபதி ஜோடியாக 'ஒரு நல்ல நாள் பார்த்து சொல்றேன்' படத்தில் நடித்தார். அதன் பிறகு இப்போதுதான் நடிக்கிறார். தெலுங்கில் சில படங்களிலும், தொலைக்காட்சி தொடர்களிலும் நடித்துள்ள நிஹாரிகா தெலுங்கு முன்னணி நடிகர் சிரஞ்சீவியின் சகோதரரும், நடிகருமான நாகேந்திர பாபுவின் மகள் ஆவார். கடந்த 2 வருடங்களுக்கு முன்பு இவருக்கு திருமணம் நடந்து சமீபத்தில் கணவரை விவாகரத்து செய்தார். தற்போது மீண்டும் நடிப்பில் கவனம் செலுத்த தொடங்கி இருக்கிறார்.