விஜயகாந்த் மகனின் உருக்கமான ஆசை | கர்ப்பிணி பெண்களின் பேஷன் ஷோவில் கலந்து கொண்ட அமலாபால் | மம்முட்டியை இயக்கும் கவுதம் மேனன் | சிவகார்த்திகேயனை இயக்க தயாராகும் சிபி சக்ரவர்த்தி | எனக்கு பிடித்த இடம் : நயன்தாரா | 'கூலி' படப்பிடிப்புக்கு முன்பாக ரஜினிகாந்த் சிறு ஓய்வு ? | திருச்செந்தூர், கன்னியாகுமரி கோயில்களில் கணவருடன் நயன்தாரா வழிபாடு | புதுமுகங்களின் 'குற்றம் புதிது' | கன்னட ஹீரோ மீது கொடூர தாக்குதல் | சின்னத்திரை இயக்குனர்கள் சங்கத் தலைவராக மங்கை அரிராஜன் வெற்றி |
லோகேஷ் கனகராஜ் இயக்கிய 'விக்ரம், லியோ' படங்களில் பழைய பாடல்கள் சிலவற்றைப் பயன்படுத்தி அந்தப் பாடல்களை மீண்டும் ரசிகர்களைக் கேட்க வைத்தார்.
'விக்ரம்' படத்தில் ஒரு சண்டைக் காட்சியின் போது 'சக்கு சக்கு வத்திக்குச்சி' என்ற பாடல் இடம் பெற்றது. ஆதித்யன் இசையில் வெளிவந்த 'அசுரன்' படத்தில் இடம் பெற்ற பாடல் அது. 'விக்ரம்' படத்தில் அந்தப் பாடல் இடம் பெற்றதும் அந்தப் பாடலை யு டியூபில் பார்த்து ரசித்தார்கள்.
அடுத்து 'லியோ' படத்தில் ஒரு முக்கிய சண்டைக் காட்சியின் போது 'கரு கரு கருப்பாயி' என்ற பாடல் இடம் பெற்றது. தேவா இசையமைப்பில் வெளிவந்த 'ஏழையின் சிரிப்பில்' படத்தில் இடம் பெற்ற பாடல் அது. அந்தப் பாடலையும் ரசிகர்களை மீண்டும் தேடிப் பார்க்க வைத்தார்கள்.
லோகேஷ் கனகராஜ் இயக்கிய படத்தில்தான் அப்படி என்று பார்த்தால், இப்போது அவர் வெளியிட உள்ள 'பைட் கிளப்' படத்திலும் அப்படி ஒரு பழைய பாடலைப் பயன்படுத்தி இருக்கிறார்கள். அவரது நண்பரான 'உறியடி' விஜயகுமார் நடித்துள்ள அப்படத்தின் டீசர் நேற்று வெளியானது. அதில் பழைய 'விக்ரம்' படத்தில் இளையராஜா இசையமைப்பில் இடம் பெற்ற 'எஞ்சோடி மஞ்சக்குருவி' என்ற பாடலை பின்னணி இசையாகப் பயன்படுததி இருக்கிறார்கள்.
'பைட் கிளப்' டீசரில் அந்த அதிரடியான பாடல் இடம் பெற்றுள்ளதால் டீசரை இன்னும் அதிகமாக ரசிக்க வைக்கிறது.