Dinamalar

'ஜெயிலர்' முன்னால் தவிக்கும் 'ஷங்கர்'

தமிழ் நடிகர்களுக்கு மற்ற மொழி மாநிலங்களிலும் குறிப்பிடத்தக்க வரவேற்பை ஆரம்பித்து வைத்தவர் ரஜினிகாந்த். அவரது சில படங்கள் தெலுங்கு, ஹிந்தியில் டப்பிங் செய்யப்பட்டு அங்கும் வெற்றிகரமாக ஓடின. ஆனால், கடந்த சில வருடங்களாக ரஜினி நடித்து வெளியான படங்கள் மற்ற மாநிலங்களில் பெரிய வசூலைக் குவிக்கவில்லை. அதை தற்போது 'ஜெயிலர்' படம் முறியடித்துள்ளது.

கடந்த இரண்டு நாட்களில் தமிழகத்தைத் தவிர கர்நாடகாவில் 16 கோடியும், ஆந்திரா, தெலங்கானாவில் 17 கோடியும், கேரளாவில் 11 கோடியும் என தென்னிந்திய மாநிலங்களில் மட்டும் 44 கோடியை வசூலித்துள்ளது என தகவல்கள் தெரிவிக்கின்றன. நேற்று சிரஞ்சீவி நடித்த 'போலா சங்கர்' படம் வெளியானது. ஆனால், அப்படத்திற்கு ஆந்திரா, தெலங்கானாவிலேயே பெரிய வரவேற்பு கிடைக்கவில்லை. முதல் நாள் வசூலாக, உலக அளவில் வெறும் 33 கோடியை மட்டுமே வசூலித்துள்ளது. அதே சமயம் 'ஜெயிலர்' படத்தின் முதல் நாள் வசூல் 90 கோடி வரை இருந்ததாகச் சொல்கிறார்கள்.

குறிப்பாக ஆந்திரா, தெலங்கானாவில் 'ஜெயிலர்' படத்திற்குக் கிடைத்துள்ள வரவேற்பால், 'போலா ஷங்கர்' படத்திற்கு பாதிப்பு ஏற்பட்டுள்ளதாகத் தெரிகிறது. 'போலா ஷங்கர்' வெளியான பல தியேட்டர்களில் இன்று மாலை முதல் 'ஜெயிலர்' படத்தைத் திரையிட உள்ளதாகவும் தெலுங்கு பாக்ஸ் ஆபீஸ் வட்டாரங்கள் தெரிவிக்கின்றன.

• 
  பெண் குழந்தைக்கு தாயான யாமி கவுதம் : குழந்தையின் பெயரையும் வெளியிட்டார்
• 
  'ராமாயணா' - படப்பிடிப்பு நிறுத்தி வைப்பு ?
• 
  முதன் முறையாக தேர்தலில் ஓட்டளித்த அக்ஷய்குமார்
• 
  ஓட்டளித்த கர்ப்பிணி தீபிகா படுகோனே
• 
  ஐஸ்வர்யா ராய்க்கு விரைவில் கையில் ஆபரேஷன்

• 
  சென்னையில் 3.5 கோடிக்கு 'போர்ஷே' கார் வாங்கிய நாக சைதன்யா
• 
  என் விருதுகள் சில என்னிடம் வரவேயில்லை : ஏஆர் ரஹ்மான் அதிர்ச்சித் தகவல்
• 
  பிரேம் நசீர் சாதனையை முறியடிங்கள் : மோகன்லாலுக்கு கமல் வாழ்த்து
• 
  தலைப்புக்கு தணிக்கை குழு எதிர்ப்பு : 'வடக்கன்' பட ரிலீஸ் தள்ளிவைப்பு
• 
  யோகி பாபு நடிக்கும் 'வானவன்'