முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
தமிழ் உள்ளிட்ட தென்னிந்திய சினிமாவில் ஒருகாலத்தில் முன்னணி நடிகையாக திகழ்ந்தவர் லைலா. திருமணம், குழந்தை பிறப்பு என வாழ்க்கையின் அடுத்தக்கட்டத்திற்கு சென்றதால் சினிமாவை விட்டு சிலகாலம் விலகினார். நீண்ட இடைவெளிக்கு பின் கார்த்தியின் சர்தார் படத்தில் முக்கிய வேடத்தில் நடித்தார். அதன்பின் வதந்தி வெப்சீரிஸில் நடித்தார். இப்போது ஈரம் படத்தின் வெற்றிக்குப்பிறகு இயக்குநர் அறிவழகன், நடிகர் ஆதி கூட்டணியில் உருவாகும் “சப்தம்” படத்தில் முக்கிய வேடத்தில் நடிக்க லைலா ஒப்பந்தம் செய்யப்பட்டுள்ளார்.
இதில் நாயகியாக, நடிகை லக்ஷ்மி மேனன் நடிக்கும் நிலையில் முக்கியமான பாத்திரத்தில் நடிக்க, நடிகை லைலா இணைந்திருக்கிறார். லைலாவின் கதாப்பாத்திரம் ரசிகர்கள் எதிர்பார்க்காத வகையில் ஆச்சர்யம் தரும் வகையிலும், மிக அழுத்தமான பாத்திரமாகவும் இருக்குமென படக்குழு தெரிவித்துள்ளது. தமன் இசையமைக்கிறார்.
ஹாரர் திரில்லராக இப்படம் உருவாகிறது. இப்படத்தின் படப்பிடிப்பு தீவிரமாக நடைபெற்று வருகிறது. படத்தின் பர்ஸ்ட் லுக், டீசர் பற்றிய அறிவிப்புகள் விரைவில் அதிகாரப்பூர்வமாக வெளியாகும்.