முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
கன்னடத் திரையுலகம் மட்டுமல்ல, இந்தியத் திரையுலகமே கூட 'காந்தாரா' படம் இப்படி ஒரு வசூலை அள்ளும் என எதிர்பார்த்திருக்க மாட்டார்கள். கடந்த பல ஆண்டுகளாக கன்னட சினிமாவைக் கண்டு கொள்ளாமல் இருந்த சினிமா ரசிகர்களை தங்கள் பக்கம் முழுவதுமாகத் திருப்பியது 'கேஜிஎப்' படம். அதற்குப் பின் இந்த ஆண்டு வெளிவந்த அதன் இரண்டாம் பாகமான 'கேஜிஎப் 2' படம் 1000 கோடி வசூலையும் கடந்து ஆச்சரியப்படுத்தியது.
இந்த ஆண்டிலேயே மற்றுமொரு கன்னடப் படம் வசூல் சாதனையைப் படைக்கும் என எதிர்பார்த்திருக்க மாட்டார்கள். 'கேஜிஎப் 2' படத்தை பான் இந்தியா படமாக வெளியிட்டு வெளியான மொழிகளில் நிறையவே புரமோஷன் செய்தார்கள். ஆனால், 'காந்தாரா' படம் கன்னடத்தில் மட்டுமே முதன் முதலில் வெளியானது. இரண்டு வாரங்களுக்குப் பிறகே மற்ற மொழிகளில் டப்பிங் செய்து வெளியிட்டார்கள். இருந்தாலும் வெளியான அனைத்து டப்பிங் மொழிகளிலும் கூட நல்ல வசூலைப் பெற்று வருகிறது.
உலக அளவில் தற்போது இந்தப் படம் ரூ.300 கோடி வசூலைக் கடந்துள்ளதாகத் தகவல்கள் வெளியாகி உள்ளது. இந்தியாவில் மட்டும் ரூ.280 கோடி வசூலையும், வெளிநாடுகளில் ரூ.20 கோடிக்கும் அதிகமான வசூலையும் பெற்று ரூ.300 கோடி சாதனையைப் புரிந்துள்ளது. இப்படத்தின் வெற்றி பிராந்திய அளவிலான கலாச்சாரங்களை வெளிப்படுத்தக் கூடிய படங்களுக்கு இப்போதும் ரசிகர்களிடம் நல்ல வரவேற்பு இருக்கிறது என்பதை உணர்த்தியிருக்கிறது.
இனி, அந்தந்த மொழி, மாநில, கலாச்சாரப் படங்களை நிறைய எதிர்பார்க்கலாம்.