வெளிநாடுகளில் ரிலீஸ் ஆகும் மாஸ்டர் | சென்னையில் 3.5 கோடிக்கு 'போர்ஷே' கார் வாங்கிய நாக சைதன்யா | என் விருதுகள் சில என்னிடம் வரவேயில்லை : ஏஆர் ரஹ்மான் அதிர்ச்சித் தகவல் | ரூ.50 கோடி வசூல் கிளப்பில் இணைந்த குருவாயூர் அம்பலநடையில் | பெண் குழந்தைக்கு தாயான யாமி கவுதம் : குழந்தையின் பெயரையும் வெளியிட்டார் | நான்கே மாதத்தில் 1000 கோடி வசூல் : மலைக்க வைக்கும் மல்லுவுட் | பிரேம் நசீர் சாதனையை முறியடிங்கள் : மோகன்லாலுக்கு கமல் வாழ்த்து | சீரியலை விட்டு விலகிய வீஜே விஷால் - காரணம் இதுதானா? | ஜெய் ஆகாஷ் உடன் ஜோடி சேரும் ரேஷ்மா | தலைப்புக்கு தணிக்கை குழு எதிர்ப்பு : 'வடக்கன்' பட ரிலீஸ் தள்ளிவைப்பு |
2023ம் ஆண்டு பொங்கலுக்கு விஜய் நடிக்கும் 'வாரிசு', அஜித் நடிக்கும் 'துணிவு' ஆகிய படங்கள் வெளிவர உள்ளன. இரண்டு படங்களும் எந்தெந்த தேதியில் வெளியாகும் என்பது குறித்து இதுவரையில் எந்த ஒரு அறிவிப்பும் வரவில்லை. இதனிடையே, நாளை மறுநாள் தீபாவளி தினத்தில் 'வாரிசு' படத்தின் புதிய அப்டேட் வெளியாகும் என்று தகவல்கள் வந்து கொண்டிருக்கின்றன. அன்றைய தினம் படத்தின் வெளியீட்டுத் தேதி குறித்தும், படத்தின் முதல் சிங்கிள் வெளியீடு குறித்தும் அறிவிப்பு வெளியாகலாம் என எதிர்பார்க்கப்படுகிறது.
விஜய் படத்தின் அப்டேட் வரும் போது தங்களது அபிமான நாயகன் அஜித் படத்தின் அப்டேட்டும் வர வேண்டும் என்று அஜித் ரசிகர்கள் ஆவலுடன் காத்திருக்கின்றனர். அப்போதுதான் சமூக வலைத்தளங்களில் இரண்டு ரசிகர்களும் ஏட்டிக்குப் போட்டியாக சண்டை போட முடியும் என்பதும் ஒரு காரணமாக இருக்கலாம்.
2014ம் ஆண்டு பொங்கலுக்கு அஜித் நடித்த 'வீரம்', விஜய் நடித்த 'ஜில்லா' படங்கள் நேரடியாகப் போட்டியிட்டன. ஒன்பது ஆண்டுகளுக்குப் பிறகு இருவரது படங்களும் மீண்டும் பொங்கலுக்குப் போட்டியிட உள்ளன.