Dinamalar

'வலிமை' முதல் நாள் வசூல் எவ்வளவு?

திரையுலகில் ஒரு முன்னணி நடிகரின் படம் வெளியானால் அது எந்த மொழியாக இருந்தாலும் முதல் நாள் வசூல் எவ்வளவு என்பதைத்தான் பலரும் எதிர்பார்ப்பார்கள். தமிழ் சினிமாவில் பல வருடங்களாகவே 'ஓபனிங் ஆக்டர்' என்று அழைக்கப்படுபவர் அஜித். அவர் நடித்து வெளிவரும் படங்களுக்கான ஓபனிங் பிரமாதமாக இருக்கும். அதன் பிறகு படத்தின் தரத்தைப் பொறுத்தே அவருடைய படங்களுக்கான வசூல் இருக்கும்.

கடந்த சில வருடங்களில் அஜித் நடித்து வெளிவந்த படங்களில் 'வேதாளம், விஸ்வாசம்' ஆகிய படங்கள் முதல் நாள் வசூலிலும், அதைத் தொடர்த் வசூலிலும் சிறப்பாக அமைந்து படத்தை வாங்கியவர்களுக்கு பெரும் லாபத்தைக் கொடுத்தது.

அஜித் நடித்து கடைசியாக 2019ல் வெளிவந்த 'நேர்கொண்ட பார்வை' ஒரு கமர்ஷியல் படமாக அமையவில்லை. அதன் வசூல் குறைவாகத்தான் இருந்தது. இருப்பினும் அவர் அப்படத்தை இயக்கி வினோத்துடன் மீண்டும் 'வலிமை' படம் மூலம் இணைந்தார். இப்படம் வெளிவருவதற்குள்ளாக பல முறை 'வலிமை அப்டேட், வலிமை அப்டேட்' என பல இடங்களில் பேச வைத்தது. அந்த அப்டேட் கேட்ட அளவிற்கு படம் ரசிகர்களை எந்த அளவிற்குத் திருப்திப்படுத்தியிருக்கிறது என்ற ஒரிஜனல் அப்டேட் திங்கள் கிழமைதான் தெரியும்.

நேற்றும், இன்றும், நாளையும், நாளை மறுநாளும் இப்படத்திற்கான பெரும்பாலான தியேட்டர்களில் டிக்கெட்டுகளை முன்பதிவு செய்யப்பட்டுள்ளன. படம் வெளியான நேற்றைய தினம் அதிகாலை சிறப்புக் காட்சிகள் பல தியேட்டர்களில் நடைபெற்றது. அதற்குப் பின் மல்டிபிளக்ஸ் தியேட்டர்களில் கூட சிறப்புக் காட்சிகள் காலை 9 மணிக்கு நடைபெற்றது. நேற்றைய தினம் மட்டும் தமிழகத்தில் இப்படம் சுமார் 35 கோடி வசூலைப் பெற்றுள்ளதாக அதிகாரப்பூர்வமற்ற தகவல்கள் தெரிவிக்கின்றன. உலகம் முழுவதும் சேர்த்து 15 கோடியுடன் மொத்த வசூலாக 50 கோடி வரை இருந்திருக்கலாம் என்கிறார்கள்.

படத் தயாரிப்பு நிறுவனம் இது பற்றிய அதிகாரப்பூர்வ அறிவிப்பை வெளியிடும் வரை விதவிதமான முதல் வசூல் விவரங்கள் பல தரப்பிலிருந்தும் வெளிவரலாம்.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  ரெட்ட தல படப்பிடிப்பு துவங்கியது
• 
  எவரெஸ்ட் சிகரத்திற்கு டிரக்கிங் சென்ற ஜோதிகா
• 
  போட்டோ சூட் நடத்திய நிறைமாத கர்ப்பிணி அமலா பால்
• 
  அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த ...
• 
  100 நாட்களைக் கடந்த ‛வேட்டையன்' படப்பிடிப்பு