முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
அறுபது வயதானாலும் கூட, இன்னும் பவர்புல் ஹீரோவாகவே நடித்து இளம் நடிகர்களுக்கு சவால் விட்டு வருபவர் தெலுங்கு நடிகர் பாலகிருஷ்ணா. பார்ப்பதற்கு முரட்டு தோற்றத்தில் காணப்பட்டாலும், சக நடிகர்களிடம் எப்போதும் அன்பு கொண்ட பாலகிருஷ்ணா, அவர்களின் வளர்ச்சியிலும் அக்கறை காட்டி வருபவர். அந்த வகையில் தற்போது போயப்பட்டி சீனு இயக்கத்தில் தற்போது அகண்டா என்கிற படத்தில் நடித்து வரும் பாலகிருஷ்ணாவுக்கு வில்லனாக நடிகர் ஸ்ரீகாந்த் நடித்து வருகிறார்.
ஏற்கனவே ஶ்ரீராம ராஜ்ஜியம் படத்தில் பாலகிருஷ்ணாவுடன் இணைந்து நடித்தவர் தான் ஸ்ரீகாந்த். பெரும்பாலும் கதாநாயகனாக நடித்து வரும் ஸ்ரீகாந்த் தற்போது தனது படத்தில் வில்லனாக நடிப்பதில் பாலகிருஷ்ணாவுக்கு பெரிய அளவில் சந்தோஷம் இல்லை. காரணம் ஸ்ரீகாந்தை கதாநாயகனாகவே தொடர்ந்து நடிக்கும்படியும் நல்ல கதைகளையும் படங்களையும் தேர்வு செய்து நடிக்கும்படியும் வில்லனாக நடிக்க கூடாது என்றும் அறிவுரை கூறியவர் தான் பாலகிருஷ்ணா.
ஆனால் தற்போது அவர் சொன்னதையும் மீறி அவருக்கு வில்லனாக நடிக்கும் சூழல் ஸ்ரீகாந்துக்கு ஏற்பட்டுவிட்டது. இருந்தாலும் அவரது நடிப்பில் எந்த குறையும் சொல்லாத பாலகிருஷ்ணா, இனி மீண்டும் வில்லனாக நடிக்க வேண்டாம் என்றும் கதாநாயகனாக மட்டுமே நடிக்க வேண்டும் என்றும் கூறி, சில இயக்குனர்களையும் அவருக்கு சிபாரிசு செய்துள்ளாராம்.