நாங்கள் பிரிகிறோம் : ஜிவி பிரகாஷ் - சைந்தவி அறிவிப்பு | ஸ்டார் படத்தின் முதல்வார வசூல் நிலவரம் இதோ | பத்து நாளில் 55 கோடி வசூலித்த அரண்மனை 4 | திரிஷாவின் ஐடென்டிட்டி படப்பிடிப்பு நிறைவு | நடிகர் சங்கத்திற்கு தனுஷ் ரூ.1 கோடி நிதி | மே 17 ரிலீஸ் : இந்த வாரமும் மக்கள் தியேட்டர்களுக்கு வருவார்களா? | நான் எந்தக் கட்சியும் சாராதவன் - அல்லு அர்ஜுன் விளக்கம் | மீண்டும் தமிழுக்கு வரும் திகங்கனா சூரியவன்ஷி | சினிமாவில் தொடர்ந்து நடிக்காதது ஏன் : மோகன் விளக்கம் | தமிழில் வெளியாகும் 'டபுள் ஐ-ஸ்மார்ட்' |
கடந்த இரண்டு வருடங்களுக்கு முன்பு மலையாளத்தில் வெளியாகி வெற்றி பெற்ற படம் அய்யப்பனும் கோஷியும். பிரித்விராஜ், பிஜுமேனன் இணைந்து நடித்த இந்த படத்தை மறைந்த இயக்குனர் சாச்சி இயக்கியிருந்தார். சமீபத்தில் அறிவிக்கப்பட்ட 68 வது தேசிய விருது பட்டியலில் இந்த படம் மூன்று விருதுகளை வென்றுள்ளது.
இந்த நிலையில் இந்த படத்தில் வில்லன் கதாபாத்திரம் ஒன்றில் நடித்த நடிகர் வினீத் தட்டில் டேவிட் என்பவர் கொலை முயற்சி வழக்கு ஒன்றில் கைது செய்யப்பட்டுள்ளார். மலையாளத்தில் வெளியாகி வெற்றி பெற்ற அங்கமாலி டைரீஸ் படத்தின் மூலம் அறிமுகமானவர்தான் இந்த வினீத் டேவிட்..
போலீஸ் தரப்பில் வெளியிடப்பட்ட தகவலின்படி வினீத் டேவிட்டுக்கும், அலெக்ஸ் என்பவருக்கும் கொடுக்கல் வாங்கல் தொடர்பாக பிரச்சனை இருந்து வந்தது. நேற்று இரவு வினித்தின் வீட்டிற்கு அலெக்ஸ் சென்றபோது இருவருக்கும் வாக்குவாதம் ஏற்பட்டது. அப்போது வினீத் தன்னிடம் இருந்த கத்தியால் அலெக்ஸை தாக்கியதில் அவருக்கு கைகளில் காயம் ஏற்பட்டது. இதைத்தொடர்ந்து அளிக்கப்பட்ட புகாரின்படி திருச்சூர் போலீசார் நேற்று வினீத் தட்டில் டேவிட்டை கைது செய்தனர்.