கல்கி 2898 ஏடி, இந்தியன் 2 - அடுத்தடுத்து இரண்டு பிரம்மாண்டங்கள் ரிலீஸ் | நட்பா, துரோகமா ? - அழுத்தமாக மிரட்டும் 'கருடன்' டிரைலர் | முதன் முறையாக தேர்தலில் ஓட்டளித்த அக்ஷய்குமார் | சின்னத்திரைக்கு வந்தார் வடிவேலு | கேன்ஸ் திரைப்பட விழாவில் தமிழ் நடிகரின் படம் | நான் இறந்த பிறகும் என் பேர் சொல்லும் படம் : கருணாஸ் நெகிழ்ச்சி | ஓட்டளித்த கர்ப்பிணி தீபிகா படுகோனே | சர்ச்சையை ஏற்படுத்திய பெங்களூரூ போதை பார்ட்டி | சென்னை ஐஐடியில் இசை ஆராய்ச்சி மையம் : இளையராஜாவுடன் இணைந்து தொடக்கம் | ஐஸ்வர்யா ராய்க்கு விரைவில் கையில் ஆபரேஷன் |
'அறிந்தும் அறியாமலும், பில்லா, ஆரம்பம்' உள்ளிட்ட படங்களை இயக்கிய விஷ்ணுவர்தன் தமிழில் கடைசியாக 2015ல் வெளிவந்த 'யட்சன்' என்ற படத்தை இயக்கினார்.. அதற்குப் பின் கடந்த ஆறு வருடங்களாக தமிழில் எந்தப் படத்தையும் இயக்கவில்லை. தற்போது ஹிந்தியில் 'ஷெர்ஷா' என்ற படத்தை இயக்கியுள்ளார்.
சித்தார்த் மல்கோத்ரா, கியாரா அத்வானி மற்றும் பலர் நடித்துள்ள இப்படம் நாளை ஆகஸ்ட் 12ம் தேதி அமேசான் ஓடிடி தளத்தில் வெளியாக உள்ளது. கார்கில் போரில் ஒரு கடினமான தாக்குதலலை பாகிஸ்தானுக்கு எதிராக நடத்தி தன்னுடைய 24 வயதிலேயே வீர மரணமடைந்த கேப்டன் விக்ரம் பாத்ராவின் பயோபிக்தான் இந்த 'ஷெர்ஷா'. பாகிஸ்தான் ராணுவத்தின் பேச்சுக்களில் அவர் 'ஷெர்ஷா' எனக் குறிப்பிடப்பட்டவர். அந்தப் பெயரையே படத்தின் தலைப்பாக வைத்துள்ளார்கள்.
இப்படத்தில் விக்ரம் பாத்ரா கதாபாத்திரத்தில் சித்தார்த் மல்கோத்ரா நடித்துள்ளார். இதற்காக அவர் சிறப்புப் பயிற்சிகளை மேற்கொண்டு நடித்துள்ளார். விக்ரம் பாத்ரா, அவரது சகோதரர் விஷால் பத்ரா என இரண்டு வேடங்களில் நடித்துள்ளார் சித்தார்த்.
கடந்த வருடம் தியேட்டர்களில் வெளியாகி இருக்க வேண்டிய படம். கொரோனா தொற்று காரணமாக தள்ளி வைத்தார்கள். தற்போது ஓடிடி தளத்தில் வெளியிடுகிறார்கள்.
கடந்த மாதம் யு டியுபில் வெளியான 'ஷெர்ஷா' டிரைலருக்கு இதுவரையில் 4 கோடிக்கும் மேற்பட்ட பார்வைகள் கிடைத்துள்ளது குறிப்பிடத்தக்கது.