ஜப்பானில் வெளியாகும் 777 சார்லி ரிலீஸ் தேதி அறிவிப்பு | பவன் கல்யாண் பட டைட்டிலில் சமந்தா நடிக்கும் புதிய படம் | 7 ஆண்டுகளுக்கு பிறகு திரையில் வருகிறார் அதிதி பொஹங்கர் | மேக்-அப் அறையில் அடைத்து சித்ரவதை : டிவி நடிகை பரபரப்பு புகார் | இன்னும் 6 நாட்களில் ஓடிடிக்கு வரும் 'மஞ்சும்மேல் பாய்ஸ்' | பிளாஷ்பேக்: 14 வயதில் பாட்டு... 21 வயதில் தேசிய விருது... 37 வயதில் மரணம் | ஏஆர் முருகதாஸை புகழ்ந்து பேசிய ஆமிர்கான் | மதுரை, கல்லம்பட்டி-யில் 'வீர தீர சூரன்' படப்பிடிப்பு | 'ஸ்டார்' படத்திற்கு எதிர்பாராத வியாபாரம்? | சமந்தா எத்தனை கார்கள் வைத்துள்ளார் தெரியுமா? |
காக்கா முட்டை மணிகண்டன் இயக்கி உள்ள அடுத்த படம் குற்றமே தண்டனை. இதில் விதார்த், ஐஸ்வர்யா ராஜேஷ், பூஜா நடித்துள்ளனர். இதில் விதார்த்த கண்பார்வை குறைபாடு உள்ளவராக நடித்துள்ளார்.
வங்கிக்கு வரவேண்டிய பாக்கியை வசூல் செய்து தரும் ஒரு தனியார் நிறுவனத்தில் வேலை செய்கிறார் விதார்த், அவருக்கு பார்வை மங்கலாகத் தெரியும், அதை வெளிக்காட்டிக் கொள்ளாமல் சமாளித்து வாழ்ந்து கொண்டிருப்பார். ஒரு நாள் பணியில் இருந்து திரும்பும் வழியில் ஒரு பெண் கொலை செய்யப்படுவதை பார்த்து விடுகிறார். கொலையாளிகளால் தனக்கு எந்த பாதிப்பும் வரக்கூடாது என்பதற்காக தனக்கு கண்பார்வை குறைபாடு இருப்பதை காட்டி அந்த குற்றவாளிகளை தப்பிக்க விடுகிறார். ஆனால் அவர் மனசாட்சி அவரை குத்திக் கிழித்துக் கொண்டே இருக்கிறது. அந்த பெண்ணை காப்பாற்ற முயற்சிக்கவில்லை. குற்றவாளிகளை காட்டிக் கொடுக்கவும் இல்லை என்பது அவரது மனதை உறுத்துகிறது. அடுத்து அவர் என்ன செய்கிறார் என்பது கதை.
குற்றவாளிகள் தண்டனையிலிருந்து தப்பினாலும் குற்ற உணர்விலிருந்து தப்பவே முடியாது என்பதை சொல்கிற படம். விதார்த்தின் காதலியாக பூஜா நடித்திருக்கிறார். பக்கத்து வீட்டு பெண்ணாக ஐஸ்வர்யரா ராஜேஷ் நடித்துள்ளார். மணிகண்டனே ஒளிப்பதிவு செய்துள்ளார். இளையராஜா இசை அமைத்துள்ளார். காக்கா முட்டையிலிருந்து முற்றிலும் மாறுபட்ட படமாக தயாராகி இருக்கிறது குற்றமே தண்டனை.