‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
'வருத்தப்படாத வாலிபர் சங்கம்' படத்தின் மாபெரும் வெற்றிக்குப் பிறகு இயக்குனர் பொன்ராம் - சிவகார்த்திகேயன் மீண்டும் இணைந்துள்ள படம் 'ரஜினி முருகன்'. கடந்த சில வாரங்களுக்கு முன்பே இப்படத்தின் படப்பிடிப்பு முடிவடைந்தது. அதன்பின் படத்தின் முதல் பார்வையை ஏப்ரல் 25ம் தேதியன்று வெளியிட்டனர். அடுத்து இப்படத்தின் இசை வெளியீட்டை ஜுன் 7ம் தேதி நடத்தப் போவதாக முன்பே அறிவித்திருந்தனர். அதன்படி படத்தின் இசை வெளியீட்டை ரசிகர்கள் முன்னிலையில் மதுரையில் நடத்தத் திட்டமிட்டுள்ளனராம்.
அதில் சிவகார்த்திகேயன், கீர்த்தி சுரேஷ், சூரி உள்ளிட்ட படத்தின் நட்சத்திரங்களும், மற்ற கலைஞர்களும் கலந்து கொள்ளப் போகிறார்களாம். அதையடுத்து படத்தின் வெளியீட்டை ஜுலை 17ம் தேதியன்று வெளியிடப் போகிறார்கள். 'ரஜினி முருகன்' படத்தின் முதல் பார்வை, இசை வெளியீடு, படத்தின் வெளியீடு ஆகியவற்றை குறிப்பிட்ட தேதிகளில் நடத்தப் போவதாக மார்ச் மாதம் 20ம் தேதியன்றே முறைப்படி அறிவித்துவிட்டார்கள்.
அதிலிருந்து எந்த மாற்றமும் செய்யாமல் திட்டமிட்டபடி அனைத்தையும் 'ரஜினி முருகன்' குழுவினர் செய்யப் போகிறார்களாம். இந்தப் படம் மீது ஆரம்பிக்கும் போதே அதிக எதிர்பார்ப்பு எழுந்து விட்டது குறிப்பிடத்தக்கது.