Dinamalar

ஆரம்பத்தில், கார்த்திகாவுக்கு டிரெய்னிங் கொடுத்து ஸ்பாட்டுக்கு அனுப்பி வந்தார் ராதா. ஆனால், இப்போது கார்த்திகா தேறி விட்டாராம். அதனால், இப்போது இளைய மகள் துளசிக்கு மட்டுமே, நடிப்பு பயிற்சி அளிக்கிறாராம் மாஜி ராதா. 

"சேட்டை படத்தில் குத்தாட்டமாடிய நீத்து சந்திராவுக்கு பாலிவுட்டில் கலக்க வேண்டும் என்ற ஆர்வம் அதிகரித்துள்ளது. அதனால், தற்போது மும்பையில் முகாமிட்டு படவேட்டை நடத்தி வருகிறார். 

"மாசாணி என்ற படத்தில், முக்கியமான வேடத்தில், இனியா நடித்துள்ளார். இந்த வேடத்துக்கு முதலில் ஒப்பந்தம் செய்யப்பட்டவர், லட்சுமி ராயாம். "சில காட்சிகளில், ஜாக்கெட் அணியாமல் நடிக்க வேண்டும் என, கூறியதால், படத்தில் நடிக்க முடியாது என, லட்சுமி ராய் கூறியதால், இனியாவுக்கு, அந்த வாய்ப்பு கிடைத்ததாம். 

தனக்கு ஏற்பட்ட சில கசப்பான சம்பவங்களை அடுத்து, "இனி ஆண் நண்பர்கள் சகவாசமே வேண்டாம் என்ற முடிவுக்கு வந்துள்ளாராம், நயன்தாரா. யாருடனாவது, கொஞ்சம் நெருக்கமாக பழகினாலும், கிசு கிசு வெளியாகி விடுகிறது என்பதால்,  இந்த முடிவை எடுத்துள்ளாராம். 

"அஞ்சாதே விஜயலட்சுமிக்கு, "வனயுத்தம் படத்திற்கு பின், எதிர்பார்த்தபடி புதிய படங்கள் இல்லையாம். அதனால், கதாநாயகி வாய்ப்புக்காக காத்திருக்காமல், கேரக்டர் ஆர்ட்டிஸ்டாக உருவெடுக்கப் போவதாக கூறியுள்ளார். 

"வெண்ணிலா கபடிக்குழு, அழகர் சாமியின் குதிரை படங்களில் நாயகியாக நடித்த சரண்யா மோகனுக்கு, தமிழில் சரியான வாய்ப்புகள் அமையாததால், "பதலாபூர் பாய்ஸ் என்ற படத்தின் மூலம், இந்திக்கு செல்கிறார். இப்படம் அவர் நடித்த, "வெண்ணிலா கபடிக்குழு படத்தின் ரீ-மேக் ஆகும். 

"கற்றது தமிழ் ராம் இயக்கி நாயகனாகவும் நடித்துள்ள, "தங்க மீன்கள் படத்தில், மாஜி ஹீரோயின்களான ரோகினி, பத்மப்ரியா இருவரும் முக்கிய கேரக்டர்களில்நடித்துள்ளனர். 

அஜீத்துடன், "அசல் படத்தில் நடித்த பாவனா தெலுங்கு, மலையாளத்தில் நடித்து வருகிறார். தமிழில் முன்னணி ஹீரோக்களுடன் நடிக்க சான்ஸ் கிடைத்தால் மட்டுமே, மீண்டும் பிரவேசிப்பேன் என்கிறார். 

பாடகர் மனோவின் இளையமகன் ரித்தேஷ், "வெற்றி என்ற படத்தில் நாயகனாக நடிக்கிறார். இதில், மகனுக்காக, "ஜாலி டக்கர் என்றொரு பாடலை பாடியுள்ளார் மனோ. 

பி.காம்., படித்துள்ள சமந்தா ஏதாவது கார்ப்பரேட் கம்பெனியில் வேலைக்கு செல்ல வேண்டும் என்று தான் நினைத்தாராம். ஆனால், எதிர்பாராத விதமாக, சினிமாவில் சான்ஸ் கிடைத்ததால் நடிகையாகி விட்டதாக சொல்கிறார்.