Dinamalar

இசையமைப்பாளர் எஸ்.பி.வெங்கடேஷ் காலமானார்

இசையமைப்பாளர் எஸ்.பி.வெங்கடேஷ் எனும் சங்கீத ராஜன், 70, உடல்நலக் குறைவால் இன்று(பிப்., 3) காலை காலமானார்.

நடிகர் தியாகராஜன் எழுதி, இயக்கிய "பூவுக்குள் பூகம்பம்" படம் மூலம் தமிழில் இசையமைப்பாளராக அறிமுகமானவர் எஸ்.பி.வெங்கடேஷ் என்கிற சங்கீத ராஜன். தொடர்ந்து ‛‛சேலம் விஷ்ணு, காவல் பூனைகள், வடக்குவாசல், என் கணவர், ஏர்போர்ட், சினேகிதி, முனி முதல் பாகம், பாட்டாளி மகன்'' உட்பட தமிழில் ஏராளமான படங்களுக்கு இசையமைத்துள்ளார்.

மலையாளத்தில் அதிக படங்களுக்கு இசையமைத்துள்ளார். தவிர தெலுங்கு, கன்னடம், பெங்காலி, ஒரியா, போஜ்புரி உள்ளிட்ட மொழிகளிலும் நூற்றுக்கணக்கான படங்களுக்கு இசையமைத்துள்ளார். 80, 90களில் பிரபலமாக திகழ்ந்த இவர் பெரும்பாலும் பின்னணி படங்களின் இசைக்காக அதிகம் பேசப்பட்டார். மலையாள படத்திற்காக கேரள அரசின் விருதும் பெற்றவர் இவர்.

ஒரு வருடமாக நுரையீரல் பிரச்சனையால் அவதிப்பட்டு வந்த இவர் இன்று காலை சென்னையில் அவரது வீட்டில் காலமானார். இவருக்கு கோபால், சுகுமார் என்ற இரு மகன்கள் உள்ளனர். இவர்களும் இசையமைப்பாளர்களாக உள்ளனர். திருமணமான ஒரு மகளும் உள்ளார்.

இவரது உடல், சென்னை, ஆலப்பாக்கம், சாய்ராம் தெருவில் உள்ள இல்லத்தில் அஞ்சலிக்காக வைக்கப்பட்டுள்ளது. நாளை மதியம் 1.00 மணி அளவில் போரூர் மயானத்தில் உடல் அடக்கம் செய்யப்படுகிறது. இவரது மறைவுக்கு திரையுலகினர் இரங்கல் தெரிவித்துள்ளனர்.

• 
  பிரபல அமெரிக்க நிறுவனத்தின் முதல் இந்திய விளம்பர தூதராக பொறுப்பேற்ற ...
• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு

• 
  ஹரிஷ் கல்யாண் மகளின் பெயர் 'கிரியா ஹரிஷ்'
• 
  விஜய் பெரிய ஸ்டார், அறிவுரை தேவையில்லை : பவன் கல்யாண்
• 
  விமர்சனம் வந்தால் வளருகிறீர்கள் என அர்த்தம் : மாளவிகா மோகனன்
• 
  அண்ணன், தம்பியை இயக்கும் வினோத்
• 
  ஏஜிஎஸ் படத்தில் சாய் அபயங்கர் : இசையா.... ஹீரோவா...