Dinamalar

பிளாஷ்பேக்: ரஜினி நடித்த 2 மலையாளப் படம்

ரஜினிகாந்த் ஏராளமான தெலுங்கு, ஹிந்தி படங்களில் நடித்துள்ளார். ஆனால் அவர் மலையாள படங்களில் அந்த அளவிற்கு நடிக்கவில்லை. எதார்த் சினிமா ரசிகர்களாக மலையாளிகள் இருந்ததால் ரஜினியின் ஆக்ஷன் படங்களுக்கு அங்கு பெரிய வரவேற்பு இருக்காது என்பதாலேயே அவர் நடிக்கவில்லை.

என்றாலும் 1979ம் ஆண்டு கமலுடன் இணைந்து நடித்த திரைப்படம் 'அலாவுதீனும் அற்புத விளக்கும்' படம் ஒரே நேரத்தில் தமிழ் மற்றும் மலையாளத்தில் படமாக்கப்பட்டது. இரண்டு மொழிகளிலுமே இந்த திரைப்படம் மிகப்பெரிய அளவில் வெற்றி அடைந்தது. இந்த படம் 'ஆயிரம் இரவுகள்' என்ற அரேபிய கதை தொகுப்பில் உள்ள ஒரு கதையாகும். அந்த கதையில் இல்லாத ஒரு கேரக்டரை ரஜினிக்காக உருவாக்கி நடிக்க வைத்தனர். ஐ.வி.சசி இயக்கினார்.

1981ம் ஆண்டு 'கர்ஜனை' படம் வெளிவந்தது. சி.வி.ராஜேந்திரன் இயக்கத்தில் வெளிவந்த இத்திரைப்படத்தில் ரஜினிகாந்த், மாதவி மற்றும் பலர் நடித்திருந்தனர். இப்படம் ஒரே நேரத்தில் மலையாளத்தில் 'கர்ஜனம்' என்றும் கன்னடத்தில் 'கர்ஜனே' என்றும் படமாக்கப்பட்டது.

மலையாள பதிப்பில் அங்கு அப்போது ஆக்ஷன் ஹீரோவாக இருந்த ஜெயன் நடிப்பதாக முடிவாகி சில காட்சிகளும் படமாக்கப்பட்டது. ஆனால் அவர் எதிர்பாராதவிதமாக ஹெலிகாப்டர் விபத்தில் சிக்கி இறந்ததால், மலையாளத்திலும் ரஜினியே நடித்தார். தமிழைப்போலவே மலையாளத்திலும் வெற்றி பெற்றது. ஆனால் அதன்பிறகும் மலையாளத்தில் ரஜினி நடிக்கவில்லை.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!