Dinamalar

'ஹேப்பி ராஜ்' இரண்டு குடும்பங்களின் கதை

பிரதீப் ரங்கநாதனிடம் உதவி இயக்குநராக பணிபுரிந்த மரியா இளஞ்செழியன் இயக்குநராக அறிமுகமாகும் படம். 'ஹேப்பி ராஜ்'. பியாண்ட் பிக்சர்ஸ் தயாரிக்கிறது. ஜி.வி.பிரகாஷ் அப்பாஸ், ஜார்ஜ் மரியான், கவுரி ப்ரியா, ப்ரார்த்தனா, அதிர்ச்சி அருண், மதுரை முத்து, சோஃபா பாய் ரசூல் உள்ளிட்ட பலர் நடிக்கிறார்கள்.

படம் குறித்து இயக்குநர் மரியா இளஞ்செழியன் கூறும்போது, "ஹேப்பி ராஜ் என்ற தலைப்பு ஒரு எளிய ஆனால் ஆழமான சிந்தனையில் இருந்து உருவானது. சினிமாவை மகிழ்ச்சியின் கொண்டாட்டமாக மாற்ற வேண்டும் என்ற விருப்பம். நாயகனுக்கு 'ஹேப்பி' என்று பெயர் வைக்கப்பட்டதற்குக் காரணம் இருக்கிறது. அந்த பெயர் கதையின் மைய உணர்வை எப்போதும் நினைவூட்டும் ஒரு குறியீடு ஆகும்.

இளைஞர்கள், குடும்பங்களைத் திருப்திப்படுத்த வேண்டும் என்பதுதான் என் அடிநாதமாக இருந்தது. இப்போது சந்தோஷமான பேமிலி படங்கள் அதிகம் வருவதில்லை. இளைஞர்களின் மனப்பாங்கில் இருந்து ஒரு குடும்பக் கதை சொல்வதற்கான திட்டம்தான் இந்தப் படம். ஹேப்பி ராஜ் என்கிறவன் பிறந்ததிலிருந்து 25 வயது வரைக்கும் அவன் எதிர்கொள்கிற ஜாலியான பிரச்னைகள், காதலுக்குள்ளே ஒரு ட்ராவல் என கிராமம், நகரம் என இரண்டு பண்பாடுகளைச் சேர்த்துப் பார்க்கிற படம்.

இரண்டு குடும்பத்திற்குள் நடக்கிற வேடிக்கைகள், அவர்களின் பழக்கவழக்கங்கள் எல்லாம் வேறு வேறு திசையில் செல்கிற விதம் சுவாரஸ்யமாக இருக்கும். எங்கே பார்த்தாலும் நிறைந்திருக்கிற நெகட்டிவிட்டியை மாற்றி சந்தோஷமா போகிற கதை. ஆட்டம், பாட்டம், ஊர்த் திருவிழா மாதிரி இருக்கும். மிடில் கிளாஸ் சென்டிமென்ட், எமோஷனல், சந்தோஷம்னு செம ஜாலியாகப் போகும். உறவுகள் புடைசூழ, ஒற்றுமையாக இருக்கிற பேமிலியாக இருந்தால் எப்படி இருக்கும்னு சொல்லியிருக்கோம்" என்றார்.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  சிக்கந்தர் தோல்விக்கு காரணம் முருகதாஸா ? சல்மான் கானா ? ; ராஷ்மிகா பதில்
• 
  வந்தே மாதரம் பாடலை பாட ஏ.ஆர் ரஹ்மான் மறுத்தாரா ? சின்மயி பதில்
• 
  நடிகரை அறைந்தாரா பூஜா ஹெக்டே? தீயாக பரவும் செய்தி
• 
  ஏப்ரல் 30ல் திரைக்கு வரும் தனுஷின் 'கர'?
• 
  ஏ.ஆர்.ரஹ்மானுக்கு ஆதரவாக குரல் கொடுத்த மெஹபூபா முப்தி!