Dinamalar

தனியார் பேருந்துகள் ஓடாத கேரளா வெளிநாடு போல இருக்கிறது : 2018 இயக்குனர் சர்ச்சை கருத்து

மலையாளத்தில் 2018 என்கிற திரைப்படம் வெளியாகி மிகப்பெரிய வெற்றியைப் பெற்றது. இந்த படத்தை பிரபல இயக்குனர் ஜூட் ஆண்டனி ஜோசப் என்பவர் இயக்கியிருந்தார். இவர் தற்போது மோகன்லால் மகள் விஸ்மாயாவை கதாநாயகியாக அறிமுகப்படுத்தி, தொடக்கம் என்கிற படத்தை இயக்குகிறார்.

சமீபத்தில் பல கோரிக்கைகளை வலியுறுத்தி கேரளாவில் உள்ள தனியார் பேருந்துகள் இரண்டு நாட்கள் வேலை நிறுத்தம் செய்தன. இதனால் கேரளாவில் பல சாலைகளில் அரசு பேருந்துகள் மட்டுமே ஓடியதால் வெறிச்சோடி காணப்பட்டது. இது குறித்து தனது சோசியல் மீடியா பக்கத்தில் பதிவு ஒன்றை வெளியிட்ட ஜூட் ஆண்டனி ஜோசப், தனியார் பேருந்துகள் ஓடாத கேரளாவை பார்க்கும் போது வெளிநாட்டில் இருப்பது போன்று உணர்வு ஏற்படுகிறது என்று பதிவிட்டுள்ளார். அதில் நன்றாக வாகனம் ஓட்டும் சிலரையும் நாம் மறந்து விடக்கூடாது என்றும் குறிப்பிட்டுள்ளார்.

பொதுவாகவே கேரளாவில் தனியார் பேருந்து வாகன ஓட்டுநர்களின் அடாவடி நாளுக்கு நாள் அதிகமாகி வருவதாக குற்றச்சாட்டு எழுந்துள்ள நிலையில் தான், சில கோரிக்கைகளை வலியுறுத்தி இந்த வேலை நிறுத்தம் நடைபெறுகிறது. இந்த நிலையில் இயக்குனரின் இந்த கருத்துக்கு ஆதரவும் எதிர்ப்பும் என இருவித குரல்கள் எழுந்துள்ளன. சிலர் நிறைய ஓட்டுநர்கள் ரொம்பவும் கவனக்குறைவாக வாகனம் ஓட்டுகிறார்கள், அதிலும் குறிப்பாக கேரளாவில் மிக மோசமான ஓட்டுநர்கள் என்றால் எர்ணாகுளத்தில் தான் அதிகம் இருக்கிறார்கள் என்று கருத்து வெளியிட்டுள்ளனர்.

அதே சமயம் பலர் இன்று பேருந்துகள் ஓடாததால் எங்களால் வேலைக்கு செல்ல முடியவில்லை. உங்களை போன்ற வசதியானவர்கள் காரில் செல்வீர்கள். எல்லோரும் அப்படி காரில் செல்ல முடியுமா என்று பதில் கேள்வி எழுப்பி உள்ளார்கள். இன்னும் ஒருவர் பஸ் ஓட்டுனர்களுக்கு ஆதரவாக எர்ணாகுளத்தில் கார்கள், இரு சக்கர வாகனங்கள் மற்றும் ஆட்டோக்கள் என எதுவுமே இல்லாமல் இருந்தால் அது மிகச் சிறப்பாக இருக்கும் என்று கூறியுள்ளார்.

• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது
• 
  டான் 3ம் பாகத்தில் இணைந்த கிர்த்தி சனோன்!

• 
  ‛கூலி' படத்திலிருந்து ‛மோனிகா' பாடல் வெளியீடு
• 
  கொடைக்கானல் மலை கிராமம் பின்னணியில் உருவாகும் 'கெவி'
• 
  மகிழ்ச்சியாக இருக்கிறேன், பேச்சு வரலை : விஜய்சேதுபதி மகன் உருக்கம்
• 
  காலில் செருப்பு அணியாமல் என்னை பக்குவப்படுத்திக் கொள்கிறேன் : விஜய் ...
• 
  ரஜினி ஒரு புத்திசாலி, கத்தியைப் போல கூர்மையானவர் : ஸ்ருதிஹாசன்