Dinamalar

கண்டுகொண்டேன் கண்டுகொண்டேன் - வெள்ளிவிழா ஆண்டில் ரீரிலீஸ் அறிவிப்பு

இன்றைய 2கே கிட்ஸ்கள் பார்த்து ரசிப்பதற்காகவே 20 வருடங்களுக்கு முன்னால் வெளிவந்த சில சிறப்பான படங்களை ரீரிலீஸ் செய்து வருகிறார்கள். அந்த விதத்தில் சமீப காலங்களில் அவ்வப்போது இப்படியான படங்கள் வந்து கொண்டிருக்கின்றன.

விஜய், ஜெனிலியா நடித்த 'சச்சின்' படம் ரிரிலீஸ் ஆகி வெற்றிகரமாக ஓடியது. அதன் வெற்றிவிழாவில் படத்தின் தயாரிப்பாளர் தாணு, அடுத்து 'கண்டு கொண்டேன் கண்டு கொண்டேன்' மற்றும் 'காக்க காக்க' ஆகிய படங்களை விரைவில் ரீரிலீஸ் செய்ய உள்ளோம் என்று அறிவித்தார்.

'கண்டு கொண்டேன் கண்டு கொண்டேன்' படம் 2000ம் ஆண்டில் மே 5ம் தேதி வெளியானது. நாளையுடன் 25 ஆண்டுகளை நிறைவு செய்கிறது. அதையொட்டி படத்தின் ரீரிலீஸை படத்தின் தயாரிப்பாளர் தாணு அறிவித்துள்ளார். ராஜீவ் மேனன் இயக்கத்தில், ஏஆர் ரகுமான் இசையமைப்பில், மம்முட்டி, அஜித், அப்பாஸ், ஐஸ்வர்யா ராய், தபு, பேபி ஷாமிலி, மணிவண்ணன் மற்றும் பலர் அப்படத்தில் நடித்துள்ளனர்.

விரைவில் ரிரிலீஸ் ஆக உள்ள இப்படத்தில் சில மாற்றங்களைச் செய்துள்ளதாகத் தகவல் வெளியாகி உள்ளது. அப்போது வெளியான போது சுமார் 3 மணி நேரம் ஓடிய படத்தைத் தற்போது சில பல காட்சிகளைக் குறைத்து இரண்டரை மணி நேரப் படமாக வெளியிட உள்ளார்களாம்.

வசூல் ரீதியாக அப்போது பெரும் வெற்றி பெறவில்லை என்றாலும் '2 கே' காலத்தில் வந்த ஒரு கிளாசிக்கான படம் என்ற பெருமையைப் பெற்ற ஒரு படம்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?