‛‛அவரை தொடர்புகொள்ள முயற்சிக்கிறோம். ஆனால்...: நடிகர் ஸ்ரீயின் உடல்நிலை குறித்து தயாரிப்பாளர் வருத்தம் - We are trying to contact him. But... Producer expresses concern over actor Sris health condition

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

‛‛அவரை தொடர்புகொள்ள முயற்சிக்கிறோம். ஆனால்...'': நடிகர் ஸ்ரீயின் உடல்நிலை குறித்து தயாரிப்பாளர் வருத்தம்

14 ஏப், 2025 - 03:04 IST

எழுத்தின் அளவு:

We-are-trying-to-contact-him.-But...-Producer-expresses-concern-over-actor-Sris-health-condition

2006ம் ஆண்டு விஜய் டிவியில் ஒளிபரப்பான 'கனா காணும் காலங்கள்' தொடரின் மூலம் பிரபலமானவர் ஸ்ரீ. அதன் பிறகு பாலாஜி சக்திவேல் இயக்கிய 'வழக்கு எண் 18/9' படத்தின் மூலம் சினிமாவில் அறிமுகமானார். தொடர்ந்து 'ஓநாயும் ஆட்டுக்குட்டியும், மாநகரம்' உள்ளிட்ட பல படங்களில் நடித்தார். ஒரு கட்டத்தில் அவருக்கு வாய்ப்புகள் நின்று விடவே அவர் எங்கு இருக்கிறார் என்பது தெரியாமல் இருந்தது. தற்போது அவர் தனது இன்ஸ்டாகிராம் வெளியிட்டுள்ள புகைப்படம் ரசிகர்களிடையே அதிர்ச்சியை ஏற்படுத்தியது. உடல் மெலிந்து, எலும்பும் தோலுமாக அடையாளமே தெரியாதபடி இருக்கிறார்.

இணையத்தில் வெளியான இந்த போட்டோவை பார்த்த ரசிகர்கள் பல்வேறு கருத்துகளை தெரிவித்து வருகின்றனர். அவர் கடைசியாக நடித்த ‛இறுகப்பற்று' படத்தில் சம்பளம் உள்ளிட்ட பிரச்னை காரணமாக அவர் மனஅழுத்தம் ஆனதாகவும், அதனால் இப்படி ஆகிவிட்டதாகவும் சிலர் அவதூறு பரப்பினர். இந்நிலையில், 'இறுகப்பற்று' படத்தின் தயாரிப்பாளர் எஸ்.ஆர்.பிரபு தனது எக்ஸ் தள பக்கத்தில் வெளியிட்டுள்ள பதிவில், “நடிகர் ஸ்ரீயின் உடல் நலம் குறித்து நாங்கள் உண்மையில் மிகுந்த அக்கறை கொண்டுள்ளோம். அவரது குடும்பத்தினர், நண்பர்கள் உட்பட நாங்களும் அவரை தொடர்பு கொள்ள நீண்ட நாட்களாக முயற்சித்து வருகிறோம்.
அதைச்சுற்றி நிறைய ஊகங்கள் வெளியாவது துரதிர்ஷ்டவசமானது. நடிகர் ஸ்ரீயை தொடர்புகொண்டு, அவரை நல்ல உடல்நலத்துடன் மீட்டு கொண்டுவருவது தான் எங்களின் முதன்மையான நோக்கம். அதற்கு யாரேனும் உதவிகரமாக இருந்தால் அவர்களுக்கு நன்றியுள்ளவர்களாக இருப்போம்” எனத் தெரிவித்துள்ளார்.

Sri

Health Condition

SR Prabhu

ஸ்ரீ

உடல்நிலை

எஸ்ஆர் பிரபு

கருத்துகள் (0) கருத்தைப் பதிவு செய்ய

அஜித் மகனாக நடிக்கும் வாய்ப்பை மிஸ் ...

அர்ஜூன் தாஸிற்கு விருது கிடைத்ததை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய