மத கஜ ராஜா படத்தில் சிறப்பு தோற்றத்தில் ஆர்யா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

10 ஜன, 2025 - 11:52 IST

எழுத்தின் அளவு:

Arya-makes-a-special-appearance-in-the-film-Mada-Gaja-Raja

சுந்தர்.சி இயக்கத்தில் விஷால் நடிப்பில் கடந்த 2013ல் உருவான படம் மத கஜ ராஜா. ஜெமினி பிலிம்ஸ் தயாரிப்பில் உருவான இந்தப்படம் சில பொருளாதார சிக்கல்கள் காரணமாக வெளியாக முடியாமல் கிடப்பில் போடப்பட்டது. கிட்டத்தட்ட 12 ஆண்டுகள் கடந்துவிட்ட நிலையில் தற்போது ஒரு வழியாக வரும் ஜன., 12ம் தேதி வெளியாக இருக்கிறது. இந்த படத்தில் கதாநாயகிகளாக அஞ்சலி, வரலட்சுமி இருவரும் நடித்துள்ளனர். அப்போது முன்னணி காமெடியனாக நடித்து வந்த சந்தானம் கலகலப்பு, தீயா வேலை செய்யணும் குமாரு ஆகிய படங்களை தொடர்ந்து மீண்டும் சுந்தர்.சியுடன் இணைந்து இருந்தார்.

அது மட்டுமல்ல இந்த படத்தில் நடிகர் ஆர்யாவும் ஒரு சிறப்பு தோற்றத்தில் நடித்துள்ளார் என்கிற தகவலை சமீபத்தில் இயக்குனர் சுந்தர்.சி பகிர்ந்து கொண்டார். 2021ல் வெளியான அரண்மனை 3 படத்தில் தான் முதன்முறையாக சுந்தர் சி இயக்கத்தில் ஆர்யா கதாநாயகனாக நடித்திருந்தார். இப்போது 2012-லேயே சுந்தர்.சி இயக்கத்தில் நடித்திருக்கிறார் என்பது ஆச்சரியமான செய்திதான்.

அதற்கு முந்தைய வருடம்தான் விஷாலும் ஆர்யாவும் இணைந்து நடித்த அவன் இவன் திரைப்படம் வெளியானது. அந்தப் படத்தில் இருவருக்கும் ஏற்பட்ட நட்பின் காரணமாக மத கஜ ராஜாவிலும் சிறப்பு தோற்றத்தில் நடிக்க ஆர்யாவை விஷால் அழைத்து வந்து விட்டார் என்று தெரிகிறது. இதே போல ஆர்யாவும், சந்தானமும் இணைந்து நடித்த வாசுவும் சரவணனும் ஒண்ணா படிச்சவங்க என்கிற படத்தில் கெஸ்ட் ரோலில் விஷால் நடித்திருந்தார் என்பது குறிப்பிடத்தக்கது.

Madhagajaraja

Arya

Vishal

Santhanam

SundarC

கருத்துகள் (0) கருத்தைப் பதிவு செய்ய

காலத்தை வென்ற ‛காந்தக்குரல் ...

சைபர் தாக்குதலுக்கு ஆளான நிதி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய