சந்தீப் கிஷன் படத்திற்கு சிக்கல்

03 மார், 2023 - 01:41 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழில் யாருடா மகேஷ், மாநகரம், மாயவன் உள்ளிட்ட படங்களில் நடித்தவர் சந்தீப் கிஷன். தமிழில் குறைவான படங்களில் நடித்தாலும் தெலுங்கில் பிசியான நடிகர். இவர் நடிப்பில் சமீபத்தில் வெளியான படம் மைக்கேல். இதனை தமிழ் இயக்குனர் ரஞ்சித் ஜெயக்கொடி இயக்கி இருந்தார். தமிழ், தெலுங்கில் வெளியானது. மிகவும் எதிர்பார்க்கப்பட்ட இந்த படம் தோல்வி அடைந்தது.

இந்த படம் வெளியான 20 நாளிலேயே ஓடிடி தளத்தில் வெளியிடப்பட்டது. தமிழ்நாடு தியேட்டர் அதிபர்கள் சங்கத்தின் விதிமுறைகளின்படி ஒரு மாதத்திற்கு பிறகே ஓடிடியில் வெளியிட வேண்டும். இந்த விதிமுறையை மீறிவிட்டதாக தியேட்டர் அதிபர்கள் சங்கம் குற்றம் சாட்டி உள்ளனர்.

தற்போது இரண்டாவது ரவுண்டாக தியேட்டர்களில் திரையிடப்பட்டுள்ள இந்த படத்தை தொடர்ந்து திரையிட வேண்டாம் என்று தியேட்டர் அதிபர்கள் சங்கம் வாய்மொழி உத்தரவிட்டிருப்பதாக கூறப்படுகிறது. அதோடு விரைவில் நடக்க உள்ள சங்கத்தின் செயற்குழுவில் இதுபற்றி பேசி மைக்கேல் படத்தின் தயாரிப்பாளர், இயக்குனர் மற்றும் நாயகன் ஆகியோரின் படங்களுக்கு வருங்காலங்களில் ஒத்துழைப்பு தரலாமா வேண்டாம் என்பதை பற்றியும் பேச உள்ளனராம்.

Sundeepkishan

Michaelmovie

கருத்துகள் (0) கருத்தைப் பதிவு செய்ய

ரஜினி 170 : பட கதை, கேரக்டர் என்ன?

தமிழில் 'கடுவா': இன்று வெளியானது

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய